دوای ئەوەی ئەنەکەسە داوی ئاشکراکردنی چارەنووسی ژمارەیەک هاونیشتمانی لە رۆژئاوای کوردستان کرد، هەسەدە ئەنجامی لێکۆڵینەوەکانی ئاشکرادەکات و رایدەگەیێنێت تاوەكو ئێستا ناوی 3 هەزارو 286 ونبوو بە دۆکیۆمێنتكراوە.

 بەگوێرەی راگەیاندراوەکەی باڵی سوری پەکەکە (هەسەدە)، لە 15ی كانوونی یەكەمی 2019 فەرماندەیی گشتی لیستێكی لە سەرۆكایەتی ئەنجوومەنی نیشتمانی كوردی لە سووریا پێگەییشت كە ناوی 10 كەسە ونبوەكان و شوێنی و مێژووی ونبوونیانی لەخۆگرتووە:

1 ـ جمیل عومەر، لە 13ی تەممووزی 2012 لە قامشلۆ ونبووە

2 ـ بەهزاد دورسن، لە 24ی تشرینی یەكەمی 2012 لە دێرك ونبووە

3 ـ نیزاڵ عوسمان، لە 24ی تشرینی یەكەم 2012 لە دێرك ونبووە

4 ـ ئەحمەد عوسمان سیدۆ، لە 19ی ئەیلوولی 2013 ونبووە

5 ـ ئەحمەد خەلیل سینۆ، لە 11ی تشرینی یەكەمی 2013 لە عەفرین ونبووە

6 ـ ئیدریس عەلۆ، لە 8ی تشرینی دووەمی 2013 لە عەفرین ونبووە

7 ـ شەعبان عەبدولحەمید شێخۆ، لە 15ی تشرینی دووەمی 2013 ونبووە

8 ـ ئەمیر حامد، لە 11ی كانوونی دووەمی 2014 لە دەرباسیە ونبووە

9 ـ فوئاد ئیبراهیم، لە 24ی ئاداری 2017 لە دێرك ونبووە

10 ـ سعود میزر عیسا، لە 27ی تشرینی دووەمی 2019 لە درباسیە ونبووە

باڵە سوریەکەی پەکەکە دەڵێت: لە كۆی 10 كەس 8 یان لە قۆناخی گرژیە ئەمنییەكان و هەوڵەكانی كۆنتڕۆڵكردنی ناوچەكە و بڵاوبوونەوەی شانە تیرۆریستی و هەواڵگرییەكانی سەربە لایەنە ناوخۆیی و هەرێمیەكان ونبوونە. هەروەها 8 كەسیان پێش پێكهێنانی خۆسەری و دامەزراوەكانی بەفەرمی ونبوونە، پێش پێكهێنانی بەڕێوەبەرایەتی خۆسەری لە 21ی كانوونی دووەمی 2014 هەروەها یەكەم حاڵەتیش پێش پێكهێنانی یەپەگە بووە.

لەدرێژەدا هاتووە کە جەمیل عومەر، ئەندامی پێشووی پارتی یەكێتی دیموكرات PYD لەلایەن دەزگا ئەمنییەكانی سەربە حكومەتی ناوەندی سووریا لە قامشلۆ رفێندراوە، هەروەها ونبوونی ئەمیر ئەحمەد و فوئاد ئیبراهیم لە ئەستۆی هێزە سەربازییەكانمانە، لێكۆڵینەوەش بۆ دۆزینەوەی ئەو كەسانەی هۆكاری رفاندنیانن بەردەوامە.

لێژنەی لێكۆڵینەوە جەختیكردوەتەوە كە سعود مزر عیسا لەلایەن ئاساشی گشتی دەستگیركرابوو و دواتر لە 20 ی كانوونی یەكەمی 2019 ئازادكراوە. تاوەكو ئێستاش لیژنەی لێكۆڵینەوە لە بەدواداچوون بۆ چارەنوسی بەهزاد دورسن و نیزاڵ عوسمان هیچی دەستنەكەوتووە كە لە ناوچەكانی ژێر دەسەڵاتی یەكەكانی پاراستنی گەل YPG ونبوونە، ئەمەش هێزەكان و هێزە ئەمنییەكان دەخاتە ژێرپرسیاری كارگێڕی و بەردەوامی لێكۆڵینەوەكان بۆ ئاشكراكردنی چارەنووسیان و بەپرسیاریەتییەکەش یاساییە و دەكەوێتە سەر شانی هێزەكانمان.

 تاوەكو ئێستاش ناوی 3 هەزارو 286 ونبوو بە دۆکیۆمێنتكراوە، لەو ژمارەیەش 544 یان لەلایەن داعش رفێندراون و 2 هەزارو 368 یان لەلایەن گرووپە چەكدارەكانی سەربە هاوپەیمانی نیشتمانی سووری و هێزەكانی ئۆپۆزیسیۆن و حكومەتی كاتی سووریا رفێندراون، هەروەها 374 یشیان لەلایەن دەزگا ئەمنییەكانی سەربە حكومەتی ناوەندی سووریا رفێندراون.

پەکەکە بەم بەیانییە بەشێکی زۆری لەرفاندن و بێ سەروشوێن کردن و کوشتنی دژبەرەکانیان هەڵواسیوە بە لایەنەکانی دیکەوە و خۆیان لێ پڕاندووتەوە.

برچسب ها : , , , , , , , ,

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی