مەولوود باوەموراد، ئەندامی سەرکردایەتی یەکگرتووی ئیسلامی کوردستان، دەڵێت: چارەنووسی ئەزموونی رۆژئاوای کوردستان بە ناڕۆشنی لەبەردەم کۆمەڵێک ئەگەردایە. هێرشەکانی تورکیا بۆ رۆژئاوای کوردستان بۆ دژایەتی کوردە، ئەم پەلاماره سەربازییه و دروستکردنی ناوچەی ئارام تەنیا بۆ دژایەتی گەلی کورد و پەلاماردانیەتی لەسەر ماڵ و خاکی خۆی، ئاماژەیەکی روونی پاساو هەڵنەگری دژایەتی هەبوونی نەژادی کوردە، وەک گەلێکی جیاواز و خاوەن خەسڵەتی نەتەوەیی و زمان و مێژوو وسەرزەمینی خۆی، چونکه ئەگەر پەلاماری هێزەکانی پەکەکە لە ناوچەکانی کوردستانی باکوور لە دیدی حکوومەتی تورکیاوه پاساوی مەترسی بۆ سەر ئاسایشی نەتەوەیی و پاراستنی ئاسایش و ئۆقرەیی هاووڵاتییان و سەروەریی وڵاتی تورکیا بیت، ئەوا بۆ کوردستانی رۆژئاوا چ پاساوێکی نییە، جگە لە دژبوون بە گەلی کورد. ئەم پەلاماره سەربازییەی پێچەوانەی دانپێدانانە حەماسییەکانی خودی سەرۆکی تورکیایه له ساڵانی رابردوودا، لەسەر کێشە و ئازارەکانی گەلی کورد، کە لەبەردەم پەرلەمانی تورکیا دەری دەبڕین، ئێمە لە یەکگرتووی ئیسلامی دژی ئەو پەلامارەی تورکیاین، 25 ساڵە لەنێو تەیاری ئیسلامیم، بۆیە بەرەی حەق و گەلی خۆم لەپێشتر دەزانم لە هەر جۆرە ئینتیمایەکی تری سیاسی و فکری.

***
باوە موراد لەدریژەدا وتی: مانەوەی ئەزموونی رۆژئاوای کوردستان ئێستا بەستراوەتەوە بە کۆمەڵێک سیناریۆ، ئایا ئەو هێرشەی تورکیا سنووردارە و بەستراوەتەوە بە هەبوونی ناوچەیەکی ئارام و دەست بۆ شوێنەکانی تر نەبات و پەلامار نادات؟ ئایا سووریا بەو بیانووەی کە هێزی هێناوە سەروەریی سووریا بپارێزێت، ئەزموونی رۆژئاوا لەناو نابات؟ یان ئەمەریکا چەند ئامادەیە ئەگەر سەرپێچیی لە رێککەوتن بکرێت، هۆشداریی بە تورکیا نادات؟ ئەو ئەگەرانەی دەبنە هۆی ئەوەی چارەنووسی ئیدارەی خۆسەر لە رۆژئاوا روون ببنەوە، تاوەکوو ئێستا چارەنوسەکە رۆشن نییە. تورکیا نایەوێت کیانێکی کوردی لە رۆژئاوای کوردستان هەبێت، چونکە ئەو کاتە فشار لەسەر تورکیاش دروست دەبێت، بۆ ئەوەی کیانێکی کوردی لە باکووریش بێتە کایەوە.

***
سەبارەت بە بێهەڵوێستی کۆمەڵگای نێودەوڵەتی، لە هێرشەکانی سەر رۆژئاوای کوردستان، گوتی: دونیا لە بەرامبەر هێرشەکانی تورکیا بۆ سەر کوردانی رۆژئاوا هەڵوێستی نەبوو، ئەوەشی هەڵوێستێکی هەبووە، بەگوێرەی بەرژەوەندی خۆی بووە، رەنگە لەگەڵ بەرژەوەندییەکانی گەلی کورد یەکی نەگرتبێتەوە، نابێت لە دۆخی شەڕ و دۆخە ناهەموارەکان چاومان لە مافی مرۆڤ و دیموکراتیەت بێت، ئەوان باس لە دۆخی ئاسایی دەکەن و لە کاتی شەڕ شتێکی ترن.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی