فڕۆکە جەنگیەکانی دەوڵەتی تورک هێرشێکی بەرفراوانی کردە سەر ناوچەکانی برادۆست، زاپ، کامپی پەنابەری شەهید ڕۆستەمی مەخموو، شەنگال و گوندەکانی قەندیل. لە هێرشەکەی شەنگالدا نەخۆشخانەی گەلی سەردەشت و چیای چلمێرا و گەلی شلۆ و کامپی ئاوارەکانی سمۆقیە بۆردومان کراون. لەقەندیلیش هێرش کراوەتە سەر گوندەکانی، زارگەلی، کۆزینێ، باڵەیان، چیای درەبی و چیای ناسر، بەپێی زانیارییەکان لە هێرشەکانی قەندیلیشدا زیانی گیانی نەبووە. لە هەرێمی برادۆستیش گەلی لێتانی سیدەکان و چیای شەکیف و خنێرە کراونەتە ئامانج.
ئەو هێرشە دوای دیدارێکی شاندێکی میتی تورک و سەرۆک وەزیرانی عێراق مستەفا کازمی و ئەمەریکایە. تا ئێستا حکومەتەکەی مستەفا کازمی و وەزارەتی دەرەوەی عێراق هیچ هەڵوێستێکیان لەبارەی ئەو هێرشانەوە نیشان نەداوە، ڕۆژێک پێش هێرشەکە مستەفا کازمی لەگەڵ فەرمانداری هێزە چەکدارەکانی عێراق و دەزگای ئاسایشی نشتیمانی عێراق کۆبووەتەوە.

هەفتەی ڕابردوو هاکان فیدانی سەرۆکی دەزگای هەواڵگری میتی تورک بەیاوەری وەزیری بەرگری تورک خلوسی ئاکار بەنهێنی چووبووە بەغداد. بەپێی میدیا عەرەبیەکان هاکان فیدان و شاندەکەی چاویان بە مستەفا کازمی و چەند کاربەدەستی ئەمەریکی و پارتی کەوتووە لە بەغداد، فیدان و مستەفا کازمی پەیوەندیەکی ئیسخباراتی کۆنیان لەگەڵ یەکدا هەیە.
دیدارەکەی فیدان لەگەڵ فەرماندە سەربازیەکانی ئەمەریکا لە بارەگایەکی هێزە ئەمریکیەکان ئەنجامدراوە و نوێنەری چەند وڵاتێکی هەرێمیش کەناوەکانیان ئاشکرا نەکراوە لە دانیشتنەکەدا هەبوون.
لە دیدارەکەدا تورکیا داوای کردووە ڕێگەی پێبدرێت بارەگا سەربازیەکانی لە عێراق و هەرێم زیاتر بکات و لە هێرشی سەر پەکەکەدا هاوکاری بکەن

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی