کێشەی بڕینی مووچەی فەرمانبەرانی هەرێمی کوردستان لەلایەن بەغداوە ئەم رۆژانە بۆتە کێشەیەکی سەرەکی و کارناسانی بوارەکە بۆچوونی جیاوازیان بۆ هەیە. لەوانە ئەم لێکۆڵەرە و کارناسە کە دەسەڵاتی هەرێم لەپلەی یەکەمدا بە تاوانباری کێشەکە دەزانێت.

سۆران عەلی خان نووسەر، لێکۆڵەر و رووناکبیر لەبارەی کێشەی مووچەی هەرێمی کوردستان و بڕینی لەلایەن بەغداوە دەڵێت: بەراستی حکومەتی هەرێمی کوردستان بە پلەی یەکەم لەوەدا بەرپرسە و هەر لە سەرەتاوە تا رادەیەک سیاسەتێکی راستی نەوتی نەبوە، هەر لەو کاتەی نرخی بەرمیلێکی نەوت ١٠٠ دۆلار بوو وایانزانی ئەو نرخە هەر وا ئەبێ و تەنانەت لە گرێبەستەکانیدا لەگەڵ حکومەتە نەوتیەکاندا هەڵەی تێدایە ، هەمووێ گرێبەستی شراکەیەوە لە هەموو خراپتر نەبوونی روونی و روونمایی لەدۆسیەی نەوت لە هەرێمی کوردستان وە دابەزینی نرخی نەوت قوڕەکەی خەستر کرد و کێشەکەی گەورەتر کردەوە بۆ خەڵکی کوردستان. سیاسەتی نەوتی حکومەتی هەرێم شکەستی هێناوە بەڵام دانی پێیدانانی، ئێمە سندوقی داهاتەکانی نەوتمان هەبوو تا ئێستا هیچ شتێکی چارەسەر نەکردووە، ئەوە بریاری لەسەر دراوە پارەی نەوت هەموو بچێتە سندوقێکی تاێبەتەوە ، ئەمجا حکومەت ئەبێ حیسابی تەنگانە بکات، لێقەومان بکات، بومە لەرزە، لافاوە، نەخۆشیە، پەتایە ، جەنگە، بەڵام حکومەت هیچ حساباتێکی نەکردووە بەڵکو پارەی خەڵکیش کە لە بانکدا بوو ئەوەشیان برد و پینە و پەروێ مووچەیان پێی ئەکرد .

سۆران لەکۆتایدا دەڵێت: بە هەموو تەشکیلاتەکانمانەوە لە بەغدا هیچ رۆڵێکی وایان نەبووە، ئەو کێشە دەستوریانەی کە ئێمە لەگەڵ بەغدا هەمانە تا ئێستا نەیانتوانیوە هیچ فشارێک درووست بکەن وە ئەو ١٧٪ کە لە بەغداوە وەریان ئەگرت، پارەکە زۆر بوو، نەیان ئەزانی چی لێبکەن، زۆری ئەو پارە وایلێکردن بەرامبەر بە پێشیلیە دەستوریەکان بێدەنگ بن.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی