سکرتێری گشتی وەزارەتی پێشمەرگەی هەرێمی کوردستان جەبار یاوەر وتی هەرجۆرە دامەزراندنی گرووپی نایاسایی لەهەرێمی کوردستان لەلایەن پەکەکەوە کردەوەیەکی نایاسایی و پەسەند نەکراوە.

ناوبراو لەدیمانە لەگەڵ کاناڵی کوردستان 24 دا وتی: پرسی هێرشە تۆپخانەیەکانی تورکیا و ئێران بۆ سەر خاکی هەرێم بەهۆی بوونی ئۆپۆزسیۆنی چەکداری ئەو وڵاتانە پرسێکی گرنگی نەتەوەیی و دەبێت دەوڵەتی ناوەندی ئێراق لەمبارەوە دەستێوەردان بکات. ئابووری هەرێم بەتەواوەتی گرێدراوی ئێران و تورکیایە و پێکدادان و ئاڵۆزی لەو سنوورانەوە دەبێتە هۆی کێشەی رژد بۆ ئابووری و ژیانی هاوڵاتیان.

ناوبراو لەدرێژەدا وتی: هێرشەکانی تورکیا تا ئێستا بۆتە هۆی چۆڵکردنی زیاتر لە 450 گوندی سەر سنوور و قوربانی و برینداربوونی هاوڵاتیان و ئەمە لەکاتێکدایە کە تورکیا لەگەڵ پەکەکە هیچ پەیوەندیەکی بەوانەوە نییە و دەبێت پەکەکە ئەمە لەبەر چاو بگرێت کە بەهیچ بیانوویەک نابێت خاکی هەرێم بکاربێنێت بۆ دژایەتی وڵاتێکی دراوسێ چوونکە ئەمە مەرجەکانی بۆ هەرێم دژوارتر دەکات. هیچ پەیوەندیەک لەنێوان پەکەکە و هێزی پێشمەرگەدا نییە چوونکە پێشمەرگە هێزێکی فەرمی و یاساییە و بەگوێرەی یاسا رێگەپێدراو نییە کە پەیوەندی لەگەڵ هێزێکی ئۆپۆزسیۆن و دژبەری وڵاتێکی دەرکی هەبێت.

یاوەر لەکۆتایدا وتی: هەرێمی کوردستان خوازیاری چارەسەربوونی کێشەکانە لەرێگای گفتگۆوە و هەوڵ دەدات کێشەی تورکیا و پەکەکەش بەمجۆرە چارەسەر بکات و دەبیت هەموو هێزەکان لەهەرێمدا لەژێر فەرمانی وەزارەتی پێشمەرگەدا بن. هەرێمی کوردستان دەسەڵات و پەرلەمانی فەرمی خۆی هەیە، پەکەکە ناتوانێت هەڕەمەکی گرووپێکی چەکدار دەبمەزرێنێت و ئەمە لەدەرەوەی یاسایە و هیچ کات هێزێکی دژبەری وڵاتێکی بیانی ناتوانێت باسی پاراستنی هەرێم بکات.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی