لەتیف فاتح فەرەج

***

بۆچی لە دووای 16ی ئۆکتۆبەری ساڵی 2017 وە یەکێتی و پارتی نەگەیشتنە ئاکامی ئەوەی کە پارێزگارێک بۆ کەرکوک دابنێن، بۆچی گەیشتە ئەوەی کە ململانیەکە بتەقێتەوە، دیارە بە راستی ئەوە شەڕی قسەیە، شەری ئابوریە، شەری کۆمپانیای کاری قەیوانە، شەڕی نەوتە، شەڕی هاڤانا و بایە حەسەن و شەڕی خەبازە و بابە گوڕگوڕ، شەڕی بەرژەوەندیەکانی خۆیانە.

***

ئەگەر یەکێتی لە 1/11/2017 کەسێکی دابنایە کە پارتی دڵنیا بوایە بەرژەوەندیەکانی ئەپارێزی و بە دەم خواستەکانیەوە دێت، من لەو بروایەدام هیچ کێشەیەک درووست نە دەبوو، مەسەلەکە سازش نییە، مەسەلەکە ئەوەیە ئەمانە شەڕی لێدان لە بەرژەوەندی یەکتر ئەکەن، لە دوواێ 16ی 2017 وە تا ئەمرۆ نەیانتوانیوە بچووکترین کێشەی کەرکووک چارەسەر بکەن، من برواشم وایەلە مەسەلەی ئابوریدا زۆر سازش ئەبێت.

***

خەڵکی کەرکووک ئەوەی من ئاگادارم ، ئەوەی کە من لە ناویاندا ئەژێم، ئەوەی کە من لە گەڵیانا هەڵس و کەوت دەکەم بە تورکمان و کورد و عەرەبیشەوە، ئاشتیان ئەوەی، پێکەوە ژیانیان ئەوەی، ئەیانەوێ بژین بە ئارامی، من هەموو جارێک ووتومە مناڵی کەرکوکی بە کورد و تورکمان و عەرەب و کلدوئاشوریەوە لە ژێر سەقفی یەک نەخۆشخانە مناڵ لە داێک ئەبن وە لە یەک گوڕستاندا ئەنێژرێن، ئەمان گرفتیان ناوێ ئەوە هێزە سیاسیەکان، ئەوە دەسەڵاتە، لە 59ش وابوە، لە شەستەکانیش وابوە، بەردەوام دەسەڵاتە، حیزبە سیاسیەکانن کێشە درووست دەکەن ئەگینا خەڵکی کەرکووک دەتوانن پێکەوە بژین.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی