شەڕێکی سەخت لەنێوان پەکەکە و سوپای تورکیا لە چیای خامتیری لە نزیک گوندی شەرانشی زاخۆ دەستیپێکردووە و لە ترسی شەڕەکە چەندین گوندی ناوچەکە چۆڵکران و خەڵکەکەی ئاوارەبوون.

عەبدولڕەحمان محەممەد، هاونیشتمانییە و دەڵێت، “کەس لە شەرانشی نەماوە و رۆیشتن. ئەو شەڕە مەترسی لەسەر دروستکردووین و بەردەوام ناهێڵن ئاسوودە بین”.

ماڵێک 100 سەر مەڕوماڵاتیان لە گوندی شەرانشەوە گواستووەتەوە بۆ پشت شارۆچکەی دەرکار. مریەم دایکی شەش منداڵە و ناچارە لە دەوروبەری گوندەکە بمێنێتەوە.

مریەم ئیسماعیل دەڵێت، “ئاژەڵەکانمان شیریان نییە، ناچنە چیا. تۆپ و تەیارە ناهێڵن بچینە دەرەوە”.

سوپای تورکیا نزیکەی 10 بنکەی سەربازییان لەنێو سنووری باشووری کوردستاندا کردووەتەوە و زۆربەیان دەکەونە چیای خامتیر و هاوکاری سەربازەکانیان دەکەن.

زێرەڤان مووسا، بەڕێوەبەری ناحیەی دەرکار لەمبارەوە وتی:”سوپای تورکیا 10 رۆژە ئۆپەراسیۆنی پەنجەی پڵنگی راگەیاندووە و لە هەردوو شارۆچکەی دەرکار و باتیفا قەدەخەی هاتووچۆی گوندەکان راگەیێندراوە”.

ئۆپەراسیۆنی سوپای تورکیا لە دژی چەکدارانی پەکەکە نزیکەی 12 کیلۆمەتر بە درێژی و 12 کیلۆمەتر بە پانی جێبەجێ کراوە. بە هاتنی سوپای تورکیا و بەردەوامی شەڕ نزیکەی 50  گوند لە سنووری نێوان هەرێمی کوردستان و تورکیا لە دۆخێکی نائارامدان.

خەڵکی ئەم ناوچەیە زیاتر لەدوو دەیەیە کە خوازیاری ئەوەن پەکەکە شەڕەکە بباتەوە بەرماڵی خۆی و لەماڵە درواسێ نەیکا  بەڵام پەکەکە گوێ نادات و هەر سوپای تورکیا بەدوای خۆیدا پەلکێش دەکات بۆ ناو خاکی هەرێمی کوردستان و بە هۆیەوە خەڵکی ناوچەکە زەرەرمەند دەبن و لەماوەی ئەم چەند رۆژەدا چەندین کەسیان لێ کوژراوە جگە لەوەی کە باخ و رەز و لەوەڕگەو و گوندەکانیان سووتاون یا خود خاپوور بوون.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی