رۆژی 15ی نیسانی 2020 فڕۆكە جەنگییەكانی توركیا كەمپی پەنابەرانی مەخموور و بنكەیەكی گەریلاكانی پەکەکەیان لە زینێ وەرتێ بۆردوومان كرد، بەو هۆیەوە سێ چەکداری پەکەکە لە زینێ وەرتێ و سێ ژنی دیكەش لە كەمپی مەخموور کوژران.

 

پەکەکە راگەیێندراوێكی لەبارەی بۆردوومانی فڕۆكەكانی توركیا بۆ زینی وەرتێ و كەمپی پەنابەرانی كوردستانی تورکیا لە مەخموور بڵاوكردەوە و دەڵێت، لە بارەگای پێشمەرگەكانی پارتییەوە شوێنی گەریلاكانیان ئاشكراكراوە. پەکەکە ئاشکرای دەکات کە هیچ بارەگایەكیان لە زینی وەرتێ نەبووە تاوەكو شوێنی گەریلاكانیان ئاشكراببێت، “بۆیە بۆمان روونبووەتەوە كە لە خاڵی هێزەكانی پارتییەوە زانیاری لەسەر ئەو سێ گەریلایەمان ئاشكرابووە.

فەریق جەمال ئێمینكی، سوپاسالاری پێشمەرگە لەوڵامی پەکەکەدا دەڵێت:  پێشمەرگەی پارتی لەو شوێنە نییە. ئێمە پێشمەرگەی فەوجی لیوای 7ی هاوبەشی وەزارەتی پێشمەرگەمان ناردووە. لەبەر ئەوەش ئەو راگەیێندراوە بەتەواوی رەتدەكەینەوە و پێشمەرگە بە هیچ شێوەیەك ئاگاداری ئەو بۆردوومانەی توركیا نەبووە. بۆردوومانەكە هیچ پەیوەندی بە هێزەكانی پیشمەرگەوە نییە. زانیاریدان لەبارەی پەكەكەوە كاری ئێمە نییە. پێشتریش لەو شوێنانەی كە پیشمەرگەی لێ نییە توركیا بۆردوومانی بنكەكانی پەكەكەی كردووە. پەكەكە خۆیان بەهانەی بۆردوومانكردنیان داوەتە دەست توركیا. ئەوان پیشتر هیچ هێزێكیان لەو ناوچەیە نەبوو، دوای چوونی پێشمەرگە، هاتوون لە نزیك بارەگاكانی هێزی پێشمەرگە و بە ئاشكرا لەوێ جێگیربوونە. ئەگەرنا لە هیچ بارەگایەكی پێشمەرگەوە زانیاری لەسەر ئەو هێزەی پەكەكە نەدراوە.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی