پەرلەمانتارێکی پارتی لە بەغدا ئاماژە بەوە دەدات، کە پەکەکە لە شنگال رێگریی لە گەڕانەوەی ئیدارەی شەرعیی شارەکە کردووە، کاتێک بەپێی رێککەوتنی نێوان هەولێر و بەغدا ویستوویانە بگەڕێنەوە.

***

پەرلەمانتارێکی هاوپەیمانیی (فەتح)یش ئاشکرای دەکات، ئەنقەرە و بەغدا لەسەر دوورخستنەوەی پەکەکە لە شنگال رێک کەوتوون و حکوومەتی عێراق بە مەبەستی کۆتاییهێنان بە دۆسێی پەکەکە، به‌ فه‌رمانده‌ سه‌ربازییه‌کانی ڕاگه‌یاندووه‌، هاوکاریی لایه‌نی تورکی بکه‌ن.

***

دوای سەردانی بەرهەم ساڵح بۆ تورکیا، بەرپرسانی تورکیا ئاشکرایان کرد، رێککەوتنیان لەبارەی دوورخستنەوەی پەکەکە لە عێراق کردووە.

لە چەند رۆژی رابردووش، فازڵ فه‌تلاوی په‌رله‌مانتاری هاوپه‌یمانیی فه‌تح له ‌په‌رله‌مانی عێراق، لە لێدوانێکی ڕۆژنامه‌وانیدا بۆ میدیا عێراقییەکان ئاشکرای کردووە، حکوومه‌تی عێراق به‌ فه‌رمانده‌ سه‌ربازییه‌کانی ڕاگه‌یاندووه‌، هاوکاریی لایه‌نی تورکی بکه‌ن، به‌ مه‌به‌ستی کۆتاییهێنان به‌ دۆسێی په‌که‌که‌ له‌ خاکی عێراق. گوتیشی: “ئه‌گه‌ر به‌غدا له‌ پرسی په‌که‌که‌ هاوکاریی تورکیا بکات، ئه‌وا دواتر کارئاسانییه‌ک ده‌بێت بۆ کشانه‌وه‌ی سوپای تورکیا له‌نێو خاکی عێراق”.

***

لەلایەکی دیکەشەوە، بەپێی زانیارییەکانی سەرچاوەیەکی چاودێر لە قەزای شنگال، لەدوای ئەو گرژی و پێکدادانەی لە ماوەی ڕابردوو لەنێوان یەکینەکانی بەرخۆدانی شنگال (یەبەشە) و سوپای عێراق لەو سنوورە ڕووی داوە، کە بەهۆیەوە 15 کەس لە هەردوولا کوژران و بریندار بوون، بەشێک لە هێزەکانی یەپەشەی سەر بە پارتی کرێکارانی کوردستان (PKK) لە شنگال، روویان لە شاخی شنگال کردووە و تیایدا جێگیر بوون.

***

لای خۆیەوە شێروان دووبەردانی پەرلەمانتاری پارتی لە بەغدا، رای گەیاند، بەپێی رێککەوتنی نێوان هەولێر و بەغدا، دەبوو ئێستا ئیدارەی شەرعیی شنگال گەڕابووایەتەوە، کە بەهۆیەوە بە سەدان کەسی خەڵکی ئێزدیش کە ئێستا لە کەمپەکانی کوردستاندان دەگەڕانەوە، بەڵام پەکەکە رێگری لە گەڕانەوەیان دەکات و تاوەکوو ئەو هێزانەش لەو سنوورەدا بن، ئەوا ناتوانرێ ئەو رێککەوتنەی نێوان هەولێر و بەغدا جێبەجێ بکرێت، بەو هۆیانەشەوە، رێککەوتنی بەغدا و ئەنقەرە بۆ دوورخستنەوەی پەکەکە لە شنگال بە ڕێگەی هێز چاوەڕوانکراوە.

***

قادر قاچاخ، بەرپرسی لقی شنگالی پارتی دیموکراتی کوردستان، رایگەیاند، تاوەکوو پەکەکە لە شنگالدا بن، دۆخی شارەکە ئارام نابێت و ئاوارە ئێزدییەکان بەتەواوی بۆی ناگەڕێنەوە.

***

هاوکات، مەحما خەلیل، قائیمقامی شنگال رایگەیاند، چەند جارێک هەوڵی گەڕانەوەیان بۆ شنگال داوە، بەڵام لەلایەن هێزەکانی حەشدی شەعبی و پەکەکەوە رێگرییان لێ کراوە، بۆ ئەوەی دۆخی ئەمنیی شنگال ئاسایی بێتەوە و ئاوارە ئێزدییەکان بۆ سەر زێدی خۆیان بگەڕێنەوە، ئەوا دەبێت ئەو دوو هێزە لەو سنوورە دوور بخرێنەوە.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی