دوای کۆنگرەی چواری یەکێتی کە زۆر کەس بەرواڵەتی و رووکەشی ناوی لێدەبەن، هێشتاش کێشەکانی نێو یەکێتی چارەسەر نەکراون و بەشێک لەبەرپرسان هەر لەرۆژی دوای تەواوبوونی  کۆنگرە نارەزایەتیان دەربڕی چونکە بەگوتەی ئەوان ساختەکاری هەبووە لە هەڵبژاردنەکاندا.

لەدرێژەی ئەم کێشە و گرفتانەی نێوخوی یەکێتی، ئەمجارە جەمیل هەورامی، به‌رپرسی مه‌ڵبه‌ندی هه‌ڵه‌بجه‌ و شاره‌زووری یەکێتی نیشتمانی کوردستان دەستی لەکار کێشایەوە و رای گەیاند کە ئیتر لە ماڵەکەی خۆیدا دەمێنێتەوە. ناوبراو وتوویە: ئەمڕۆ سێشەممە ٧ی نیسانی ٢٠٢٠، مەڵبەندەکەی رادەست کردووەتەوە. خۆم خوازیاری دەستلەکارکێشانەوە بووم و ئیتر لە ماڵی خۆمدا دەمێنمەوە.

ئەم بەرپرسە ناڕازیەی یەکێتی جەختیشی کردەوە کە لە کۆنگرەی چوارەمی حزبەکەیدا کە لە ٢١ی ١٢ی ٢٠٢٠ نەیویستووە بەشداری بکات و تەنانەت نەچووەتە کۆنگرەکەشەوە، بەڵام دواتر له‌سه‌ر داواكاریی هه‌ندێك براده‌ر، چووم. لە بارەی ئەنجامەکانی کۆنگرەشەوە دەڵێت: ئەوەی کراوە به‌رنامه‌ی خۆیانه‌، بابزانم چی ده‌كه‌ن، من سیاسه‌ت ناكه‌م!

جەمیل هەورامی، ئەندامی پێشووی سەرکردایەتی یەکێتی نیشتمانی کوردستانە و یەکێکە لە پێشمەرگە دێرینەکانی حزبەکە. ماوەیەکی زۆرە بەرپرسی مەڵبەندی هەڵەبجە و شارەزووری حزبەکەیە.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی