هێشتا وڵاتە رۆژئاوایییەکان بە گوێرەی بەرژەوەندییە ئابوورییەکانیان مامەڵە لەگەڵ گەل و دەوڵەتانی ڕۆژهەڵاتی ناوەڕاستدا دەکەن، نەوەک بەگوێرەی بنەما هزری و مرۆیی و لیبڕاڵییە دیموکراتییەکان و بنەما ئایدیۆلۆجی ئاینی مێژووییە خاچپەرەستەکان.

***

هەندێک پێیان خۆشە بیکەنە پاساو بۆ بوونیان لەناوچەکە، هەموو شتێک دەچێتە ژێرباری بەرژەوەندی ماددییەوە، سۆز و بەزەییش شوێنێکی نییە لەو هاوکێشە ماددیەدا، هەموو شتێک لەسەر بنەمای کاڵاگۆڕینەوە و بنەماکانی خواست و خستنەڕووە.{…}

 ***

مەسعود بارزانی سەرۆکی پارتی دیموکراتی کوردستان ئەم ڕاستییەی بەسەردا تێپەڕی و پەی پێ نەبرد، کاتێک پێیوابوو ئەمریکا وەک هاوپەیمانێکی بەهێز ڕێگە بە هێز و میلیشیا تایەفییە عێراقییەکان نادات شاری کەرکوک و ناوچە دابڕێندراوەکان داگیر بکەنەوە ، پێی وابوو لەدوا ساتدا لە بەرژەوەندی هێزە کوردییەکان دەستتێوەردان دەکەن.

***

بۆیە بەو هەڵوێستەی ئەمریکا تووشی شۆک بوو، کە پشتیوانی ئەو داگیرکارییەی هێزە عێراقییەکان بوو، دەبوو مەسعود بارزانی شۆک نەبووایە، چونکە پێشتر لە ساڵی 1974 تووشی هەمان هەڵوێستی ئەو هێزە ئیستعمارییە بووەوە کاتێک بە سەرۆکایەتی مستەفا بارزانی باوکی پشتیان لە شۆڕشی کوردی کرد و بە تەنیا ڕووبەڕوی چارەنووسی خۆیان بوونەوە لەبەردەم هێزەکانی سەدام حوسێندا.

 ***

هەمان شتیشیان بەرامبەر سیستەمە دیکتاتۆرییە عەرەبییەکانی ناوچەکە کرد، کاتێک پشتیان لە حوسنی موبارەک و قەزافی و زینولعابدین و بەشار ئەسەد کرد لە سوریا، کاتێک بەهاری عەرەبی سەریهەڵدا و بە نرخێکی هەرزان ئەو ڕژێمانەی هەرزانفرۆش کردن، چونکە بەرژەوەندییەکانی ئەوەیان دەخواست.

***

مەسعود بارزانی هەڵەی کرد لە هەڵسەنگاندنی سیاسەتی ئەمریکای پراگماتی، ئۆپۆزسیۆنی کوردیش کەوتنە هەڵەوە لە هەڵسەنگاندنی لەپێشینەیی ستراتیژیەتی ئەمریکا لە ناوچەکە، پێیان وابوو دیموکراسیەت و پاڵدانەپاڵ لیبڕاڵیەت و پراکتیزەکردنی بنەکانیان، بەسن بۆ بەدەستهێنانی ڕەزامەندی دەوڵەتە ڕۆژئاواییەکان، ئەوەیان بیرچوو کە لەپێشینەیی ڕۆژئاواییەکان هێزە لە ناوچەکە نەوەک بنەما دیموکراسییەکان.

***

لەوانەیە پارتەکانی دەسەڵات لە هەرێمی کوردستان (پارتی و یەکیەتی) پەیان بەو ڕاستییە بردبێت، بۆیە دەستیان بە هۆکارەکانی دەسەڵاتەوە گرت دژ بە نەیارەکانیان و دەسەڵاتییان قۆرخکرد و ڕێککەوتننامەی ستراتیژییان لە نێوان خۆیاندا مۆرکرد و بە شێوەیەکی زۆر خراپ دەرامەت و هەژموون و پلە و پۆستەکانیان لە نێوان خۆیاندا بە یەکسانی دابەش کرد، ئەمەیان بە بەرچاوی ئەمریکا و دەوڵەتە ڕۆژئاواییەکانەوە ئەنجامدا، ئەوانیش چاویان لێپۆشین، چونکە ستراتیژیەتیان لە ناوچەکە گەیشتن بوو بەهێز نەوەک دیموکراسییەت و بنەماکانی مافەکانی مرۆڤ.

***

سەرباری ئەوەش کە دیموکراسییەت باڵاترین سیستەمی سیاسی و کۆمەڵایەتییە، دوا خاڵی پەرەسەندنی کۆمەلایەتی و ڕۆشنبیری مرۆییە، دوا داڕشتەی کۆتایی حکومەتەکانە هەر وەک فۆکۆیاما پێی وایە، بەڵام بۆ پراکتیزەکردنی دەبێت تەماشای سرووشتی رۆشنبیری و سیاسی و کۆمەڵایەتی کۆمەڵگاکان بکرێت کە دەمانەوێت ئەو سیستەمەی تیادا پراکتیزە بکەین، ماقوڵ نییە دیموکراسییەت لە ووڵاتێکی وەک سۆماڵ و عێراق و هەرێمی کوردستان خاڵی کۆتایی مێژوو بێت، چونکە هەر لە بنەچەدا ئامادەگی دیموکراسی بوونی تێدا نییە.{…}

***

سەرچاوە: پێگەی ئەلەکترۆنی عەرەب

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی