ڕێواز فایەق بەدەم داخوازییەکەی سەرۆکی حکوومەتی هەرێمی کوردستانەوە هات و نەمامێکی چاند، دواتریش داوای لە لاهوور جەنگی، بەرپرسی دەزگای زانیاری یەکێتی نیشتمانی کوردستان و تۆمەتبار لە ڕووداوی خیانەتی ١٦ی ئۆکتۆبەر کرد، نەمامێک بچێنێت، ئەمەش رەخنەی تووندی بەدوای خۆی دا هێنا لەو بارەیەوە پەرلەمانتارانی فراكسیۆنی پارتی پێیان وایە، داواکردن لە لاهور جەنگی كە كەسێكی پلە نزمی حزبی و خیانەتكاری 16ی ئۆكتۆبەرە، لاوازی خۆی دەرخستوو خۆی تووشی شكەستی كەسایەتی كرد.

***

 زانا مەلا خالید ئەندامی فراكسیۆنی پارتی لە پەرلەمانی كوردستان لەو بارەیەوە وتی: بازنەی چاڵنجەکان بازنەیەكی دیكە بوو، بەڵام لاهوور جەنگییان هێنایە ناو ئەو بازنەیە، مەسرورلە ناوهێنانی کەسەکاندا بۆ نەمام چاندن، ناوی کەسانی حزبییان نەهێناوە، بۆیە سەرۆكی پەرلەمانیش باشتر دەبوو ناوی كەسایەتییەكی دیكەی لە حكوومەت، یان پەرلەمان یان دەسەڵاتەكانی دیكە بهێنایە. دەبێت سەرۆکی پەرلەمان دوورتر لە بیری حزبی بیر بكاتەوە، ڕاستە ئەگەر یەكێتی نەبێت نابێتە سەرۆكی پەرلەمان، بەڵام كە بوو بە سەرۆكی پەرلەمان، دەبێ بێ لایەنانە بیر بكاتەوە و وتەكانی بەو ئاراستەیە بێ کە ناو ماڵی كوردستان زیاتر بپارێزێت، چاوەڕێ ئەوەی لێناكەین كە بە ئارستەی حزبی كار بكات، چونكە ئەزموونی خولی پێشوو هەیە و ئەزموونی ئەوەی هەیە کە خەڵكانێك بە ئاراستەی حزبی كاریان كردووە، بۆیە هیوا دەخوازین ئەم ئەزموونانە دووبارە نەبنەوە.

***

لاهور جەنگی كە ئێستا لە پلەیەكی نزمی حزبیش دایە، بەڵام دوای مردنی جەلال تاڵەبانی دەرفەتی بۆ رەخساوە، دۆخی ئاڵوز و تێكچووی یەكێتی بقۆستەوە، کردەوەی 16ی ئۆكتۆبەر ئەنجام بدات، خاكی كوردستانی بەدار و خەڵك فرۆشت بۆیە ناوهێنانی بۆ سەوز كردنی كوردستان كاردانەوەی تووندی لێكەوتەوە.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی