وەزیری دەرەوەی توركیا مەولوود چاوشئۆغڵو دەڵێ: سلێمانی كەوتووەتە ژێر كاریگەری و كۆنترۆڵی پەکەکە و چەند وڵاتێكی رۆژئاواییش گوشار دەخەنە‌ سەر حکومەتی هەرێمی کوردستان بۆ ئەوەی پشتیوانی پەكەكە بكات‌. كاتێك سەیری باكووری عێراق دەكەین بەتایبەتیش ناوچەی سلێمانی دەبینین كەوتووەتە ژێر كاریگەری و كۆنترۆڵی پەكەكە. ئەمە لە كاتێكدایە پەكەكە ساڵانێكی دوورودرێژە دوژمندارێتی توركیا دەكات و لە ئۆپەراسیۆنی چاڵەكاندا رایانگەیاند كە ئەم شوێنانە لەمەودوا لەژێر كۆنتڕۆڵیان دەبێت، بەڵام دەرئەنجام لەنێوبردران و كەوتنە دۆخێك نەك شوێنێكیان پێ كۆنترۆڵ ناكرێت، لە شاخەكانیش جێگەی حەوانەوەیان نەماوە، بۆیە لە باكووری عێراقدان، لەوێ گوند و شاریان كۆنتڕۆڵكردووە و لەژێر دەستیاندایە”.

مەولوود چاوشئۆغڵو گوتی: “هەندێك وڵات هەن فاكتەری هەڕەشەی پەكەكە لە دژی توركیا دەكەنە كارتی گوشار بۆ سەر دەسەڵاتی هەرێمی باكووری عێراق. راشكاوانە دەیڵێم ئەم وڵاتانە گوشاریان دەخەنە سەر. بینیان كە ناتوانن پارتی و دەسەڵاتی هەولێر بێننە سەر خەت و بیانخەنە‌ ژێر كاریگەری خۆیانەوە، دەستبەجێ كارتی پەكەكە بەكاردەهێنن و حیزبی سیاسی نوێی نزیك و گونجاو لە بۆچوونی پەكەكە دادەمەزرێنن، یان ئەو پارتانەی هەن دەخەنە خزمەتی ئەوانەوە، بەڵام ئێمە یاریەكانمان تێكداوە و بەردەوام دەبین لە تێكدانیان”.

شەوی 15ی حوزەیرانی2020 هێزەكانی توركیا ئۆپەراسیۆنێكیان بە ناوی “چڕنووكی هەڵۆ” لە دژی پەکەکە دەستپێكرد. وەزارەتی بەرگری توركیا رایگەیاند لەو ئۆپەراسیۆنەدا 81 ئامانجیان لە شنگال، قەرەچووخ، قەندیل، زاپ، ئاڤاشین، باسیان و خواكوڕك، پێكاوە. لە ئەنجامی ئەو هێرشە زەوینی و ئاسمانییەدا 5 هاونیشیمانی هەرێمی كوردستان گیانیان لەدەستداوە.

لەبارەی رێككەوتن و لێكتێگەیشتنی پارتی یەكێتی دیموكراتی (پەیەدە) و ئەنجوومەنی نیشیمانی كورد لە سووریا (ئەنەكەسە)، وەزیری دەرەوەی توركیا گوتی: ئەمریكا و فەرەنسا و چەند وڵاتێكی دیكە گوشار دەخەنە سەر ئەنەكەسە بۆ ئەوەی لەگەڵ یەپەگە/پەكەكە رێككەون كە لە قەندیلەوە چوونە باكووری سووریا بۆ ئەوەی رەوایی بدەنە یەپەگە و بۆ ئەمەش لە هەوڵدان. پێشتر رووسیاش هەوڵیدەدا رەوایی بداتە یەپەگە/پەكەكە، بەڵام رووسەكان تێگەیشتن و ئەوانیش ئەم راستییە دەزانن كە رۆژئاوا لە رێگەی هەسەدە یان هەر چ ناوێك بێت دەیانەوێ سووریا دابەش بكەن. مەولود چاوشئۆغڵو نێوەڕۆكی دیدارێكی خۆی و بەرپرسانی ئەنەكەسە ئاشكرا دەكات كە لە مانگی شوباتی ئەمساڵ لە نێو باڵەخانەی وەزارەتی دەرەوەدا بووە. لە مانگی شوباتدا لە باڵەخانەی وەزارەت لەگەڵ بەرپرسانی ئەنەكەسە كۆبوومەوە و هۆشداریم پێدان بەرامبەر هەوڵێكی بەوشێوەیە و پێمگوتن كە مامەڵەیەكی دیكەیان لەگەڵ دەكەین ئەگەر كارێكی بەوشێوەیە بكەن. ئەوانیش بۆیان گێڕامەوە كە چۆن یەپەگە/پەكەكە بارەگای پارتەكانی ئەوانیان داخستووە و تەنانەت لەكاتی گێڕانەوەی كوشتنی هاوڕێ و كەسوكارەكانیان فرمێسكیان رشت. دواتر ئەم وڵاتانە گوشاری زۆریان خستنە سەریان.

چاوشئۆغلو هۆشداری بەو لایەنانە دا، كە گفتوگۆ لەگەڵ پەیەدە دەكەن و گوتی: “ناوی هەرچییەك بێت و هەركەسێك لەگەڵ پەكەكە بێت، بۆ ئێمە جیاوازی نابێ لەگەڵ پەكەكە و یەپەگە و دەبێتە ئامانجێكی رەوای ئێمە. وەك چۆن پەكەكە و یەپەگە لە ناوخۆ و دەرەوە لە سووریا و باكووری عێراق ئامانجێكی رەوان ئەوانیش بەهەمانشێوە بە چاوی دووژمنی توركیا مامەڵەیان لەگەڵ دەكرێت”.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی