چوارشه‌ممە١٩ی ١٢ی ٢٠١٨، دۆناڵد ترامپ، سه‌رۆكی ویلایه‌ته‌ یه‌كگرتووه‌كانی ئه‌مه‌ریكا له‌ تویتێكدا كشانه‌وه‌ی به‌په‌له‌ی هێزه‌كانی ئه‌مه‌ریكای له‌ سووریا ڕاگه‌یاند.

سارا ساندەرز گوتەبێژی كۆشكی سپی ئەمەریكا، لە راگەیێندراوێكدا ڕایگەیاند، ئەمەریكا رێكخراوی داعشی بە تەواوی تێك شكاندووە، بۆیە قۆناخێكی نوێ دەست پێدەكات و دەستی كردەووە بە كشاندنەوەی ھێزەكانی لە سووریادا و ھەنگاوی دووەمیش دەنێ بۆ كێشانەوەی ھێزەكانیان.

 

ژیان زەكەریا حەسری توێژەري كوردی كوردستانی سورياش دەڵێ، ئەو بڕیارەی ئەمەریكا، نوێ نییە، لە ڕۆژی یەكەمەوە ھۆشداریی دا كە ھاوپەیمانیی ئەمەریكا لەگەڵ ھێزە كوردییەكاندا، سەربازییە و بۆ لەناوبردنی داعشە. سەرۆكی ئەمەریكا لە زووەوە چەندین جار گوتوویەتی كە لە سووریا دەكشێینەوە و، لە رۆژی یەكەمیشەوە ئەمەریكا ئامانجی خۆی دیاری كرد كە بۆ شەڕ لە دژی داعش لە سووریان و كاتێك شەڕ تەواو بوو و سووریا پێویستی بە ھێزەكانی ئەمەریكا نەما، دەكشێینەوە.

 

حەسری گوتیشی: مەبەستی وان سەبارەت بە ھاوپەیمانیی پەیەدە و یەپەگە لەگەڵ ڕژێمی ئەسەد لە رۆژھەڵاتی فوورات یان لە ڕۆژئاوای كوردستان، تەنیا بۆ دژی تیرۆر و شەڕی داعشە، كاتێك سەرۆكی ئەمەریكا گۆڕدرا، لە ڕۆژی یەكەمەوە ھۆشداری و ئاگاداریمان دەدا كە ھاوپەیمانیی نێوان ئەمەریكا و ھێزە كوردییەكانی ڕۆژئاوا، ھاوپەیمانییەكی سیاسی نییە، بەڵكوو تەنیا سەربازییە. ئەگەر بەرژەوەندیی وڵاتە گەورەكان بەراورد بكەین لەگەڵ پەیەدە یان ھەسەدە و سووریای دیموكرات، بەراورد ناكرێت، چونكە توركیا وەك ھاوپەیمانێك لە ناتۆ بەرژەوەندیی ئابووریی زۆر گەورەی هەن، ھەروەھا لەگەڵ رژێمی سووریا و ئێران و دەوڵەتانی ھەرێمی، لەبەر ئەوە بە ڕاستی لە دوای ھەڕەشە و پاراستنی بەرژەوەندیی ئەمەریكا لەگەڵ توركیا و دەوڵەتانی تر، ئەو بڕیارەیان داوە. پەیەدە ڕێگرە، بۆیە دوور نییە بە پیلانێك و بە بێ شەرت و مەرج، ڕۆژئاوا ڕادەستی رژێمی سووریا بكات.

 

بەشار ئەمین ئەندامێکی مەکتەبی سیاسیی پارتی دیموکراتی کوردستان-سووریا دەڵێت: کشانەوەی هێزەکانی ئەمەریکا ڕەهەندێکی تریشی هەیە، دەیەوێ هەندێک گوشار لە هێزەکانی سووریای دیموکرات بکات، چونکە چەندین جارە داوای لێ کردوون، کە پێشمەرگەی ڕۆژیش هاوشانی ئەوان لە دژی داعش بجەنگن، چونکە مەرامی ئەمەریکا نەهێشتنی داعشە لە ناوچەکە

 

لەسەر پرسی کشانەوەی هێزەکانی ئەمەریکا، ماریا زاخارۆڤا، گوتەبێژی وەزارەتی دەرەوەی ڕووسیا گوتی: واشنتن بەردەوامە لە یاریکردن بە سیاسەتەکانی کورد و کشانەوەشیان ڕێگاخۆشکردنە بۆ پێکانی ئامانجی تورکیا. ئه‌مه‌ ده‌بێته‌ هۆی تێكدانی دۆخی ڕۆژهه‌ڵاتی فورات و ته‌واوی ناوچه‌ سنووریییه‌كانی نێوان توركیا و سووریا و ته‌نگژه‌یه‌كی گه‌وره‌تر ده‌هێنێته‌ كایه‌وه‌ و مه‌ترسیی ئه‌وه‌یش هه‌یه‌ تیرۆریستان ئه‌و ده‌رفه‌ته‌ بۆ خۆیان بقۆزنه‌وه‌.

 

هاوکات، تارق خەرکی، جێگری سکرتێری پارتی ئازادیی کوردستان لە سووریا وتي: کشانەوەی هێزەکانی ئەمەریکا دوو سیناریۆی هەیە، ئەویش دەیەوێت هەموو هێزەکان لەو وڵاتە بکشێنەوە و ئەو وڵاتە چیی تر نەبیتە گۆرەپانی سیاسەتی وڵاتان. سیناریۆیەکی تریش ئەوەیە تەنیا تورکیا ئەو مافەی هەبێت دەست بەسەر ناوچەکاندا بگرێت و کنترۆلیان بکات و وەک هاوپەیمانی سەرەکی ئەمەریکا و ڕیگەش نەدرێت نفووزی وڵاتانی تر هەبیت. ئەو هەڵوێستەی کشانەوەی ئەمەریکا شتێکی نامۆ نییە، چونکە ئەمەریکا ڕاوشکاوانە بە پەیەدەی گوتبوو، تۆ هاوپەیمانی ئێمە نیت، تەنیا بۆ ڕووبەڕووبوونەوەی داعش لە ڕووی سەربازییەوە لەگەڵتان دەبین.

 

مه‌لا به‌ختیار، لێپرسراوی ده‌سته‌ی كارگێڕی مه‌كته‌بی سیاسی یه‌كێتیی نیشتمانی كوردستان، له‌ وتارێكدا ره‌خنه‌له‌ سیاسه‌ته‌كانی په‌یه‌ده‌ ده‌گرێت. له‌ كوردستاني سوريا، به‌تایبه‌تیش كه‌ ئێسته‌ ئه‌مه‌ریكا بڕیاری كشانه‌وه‌یداوه‌ و ده‌ڵێت: مەخابن پەیەدە سوورە لەسەر سیاسەتی حاكمییەتی خۆی.

 

له ئێستادا په که که که وتووته ئاڵارمه وه و په نا بۆ ھه رشوێن و که سێک ده بات که به ڵکوو پشتيواني لێبکه ن له به رانبه ر ھه ڕه شه  و ھێرشه کاني تورکياوه دواي ئه وه ي ئه مريکا باسي کشانه وه ي له سوريا کرد. رووسياش پشتيواني لێ کرد به ڵام دواتر فرۆشتي به تورکياو و ئه مجاره ش ئه مريکا فرۆشتيه وه به تورکيا. به رپرساني ئه مريکا رۆژي يه که م وتيان که پشتيوانيان له په که که له سوريا کاتي و تاکتيکيه وه و دواي کۆتايي ھاتني داعش ئه ويش کۆتايي پێ دێت و ئه و کاته ئێستايه که گه يشتووه.

 

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی