لە توركیا باس لە دروستبوونی هاوپەیمانی سێیەم دەكرێت، بەڵام لەو هاوپەیمانییەشدا هەدەپە دەخرێتە دەرەوەی بازنەوە، ئاكەپەش هەموو هەوڵێك دەدات تا هەدەپە لە هیچ هاوپەیمانییەتێكدا جێگەی نەبێتەوە.

لە توركیا دوو هاوپەیمانی سیاسی هەیە، یەكەمیان هاوپەیمانی (كۆماری) لە نێوان ئاكەپە و مەهەپە، كە ئێستا ئەو هاوپەیمانییە زۆرینەی پەرلەمانن. هاوپەیمانی دووەمیش هاوپەیمانی (میللەت) لە نێوان (جەهەپە و پارتی باش و پارتی سەعادەت)، كە ئێستا ئۆپۆزسیۆنی توركیان. هاوپەیمانی دووەم لە هەڵبژاردنی شارەوانییەكانی ٣١ی مارتدا توانیان قەڵای ئاكەپە كە ئیستانبۆڵە بگرنە دەست، هەروەها پایتەخت و ئەدەنا و ئەنتاڵیاشیان كەوتە ژێر دەست.

ئەوەی گرنگە باس بكرێت، ئەگەر هەدەپە كە لە دەرەوەی هەردوو هاوپەیمانی بوو، پشتگیری لە هاوپەیمانی (میللەت) نەكردایە، سەرۆكی شارەوانی ئیستانبۆل و ئەنكەرا و ئەدەنا و ئەنتاڵیا نەدەكەوتە دەستی ئۆپۆزسیۆن.

پارتی (دەوا) بە سەرۆكایەتی عەلی باباجان و پارتی (ئایندە) بە سەرۆكایەتی ئەحمەد داودئۆغڵو دەچێتە ناو هاوپەیمانی (میللەت)، ئەگەر نەشچن هاوپەیمانی سێیەم دروست دەكەن و پارتی باشیش دەچێتە ناو ئەو هاوپەیمانییەوە.

ئەگەر پارتی ئایندە و پارتی باش و دەوا هاوپەیمانی دروست بكەن، تەنیا پارتی باش ئەگەری هەیە بتوانێت بەربەستی هەڵبژاردن بشكێنێت، ئەویش ئەگەرێكی لاوازە، چونكە دەزگا راپرسییەكان دەڵێت پارتی باش ٧٪ زیاتر ناهێنێت، بۆیە ئەگەر پارتی دەوا و ئایندە بەربەست نەشكێنن، ئەوكات دەنگەكانی پارتی دەوا و ئایندە بۆ ئاكەپە دەچێت، كە بە هەردوو پارت ٧ بۆ ٩٪ دەنگەكانی توركیان هەیە، كەوایە ئاكەپە دەبێتەوە زۆرینە.

بەڵام ئەگەر بێت و هەدەپە بخەنە ناو هاوپەیمانییەتەكەوە و جەهەپە بەتەنیا بچێتە ناو هەڵبژاردن، لێرەدا ئۆپۆزسیۆن گورزی خۆی لە ئاكەپە و مەهەپە دەدات، بەوەی جەهەپە كێشەی نییە ٢٥٪ دەنگەكانی مسۆگەرە. هەدەپەش یارمەتیدەرێكی باشی هاوپەیمانی سێیەم دەبێت بۆ ئەوەی فریای پارتی ئایندە و دەوا بكەوێت تا وەكو پارت بچنە پەرلەمانەوە، چونكە بە گوێرەی یاسای هەڵبژاردنی توركیا، هەر پارتێك بچێتە ناو هاوپەیمانییەوە، دەنگی هاوپەیمانییەتەكە حیساب دەكرێت بۆ شكاندنی بەربەستی هەڵبژاردن.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی