مایڵز کاگینز گوتەبێژی هاوپەیمانی نێودەوڵەتی دژ بە داعش ڕایگەیاند هێزەکانی هاوپەیمانان لە عێراق و سووریا دەێننەوە و بە هاوکارییەکانیان لەگەڵ هێزە عێراقییەکان، پێشمەرگە و هێزەکانی سووریای دیموکرات بۆ ڕووبەڕووبوونەوەی داعش و کۆرۆنا درێژە دەدەن. یەک لەسەر سێی جیهان لە هاوپەیمانێتییەکەماندا کۆبوونەتەوە، لەبارەی دەستپێکردنی کار و چالاکییەکانیشیان لە هەرێمی کوردستان و عێراق لەوانەیە ماوەیێک دوای رەمەزان دەست بە مەشقەکان بکەینەوە.

مایڵز ئاماژەی بەوەش کرد، زیاتر لە چوار ملیار دۆلار دراوە بە حکوومەتی عێراق و دەشڵێت: سەدان ئۆتۆمبێلی سەربازی و بارهەڵگرمان هێناوەتە عێراق، پاڵپشتی گەورەی هێزی ئاسمانی عێراقمان کردووە، بەردەوامیش دەبین لە پێشکەش کردنی یارمەتی دیکە بە هێزە ئەمنییەکانی عێراق و پێشمەرگە و هەسەدە. هاوپەیمانی نێودەوڵەتی لەنێو بنکەی هەسەدە بنکەیێکی بچووکیان هەیە. زۆربەی کات لەگەڵ هەسەدە ئۆپەراسیۆن ئەنجام دەدەین و زانیارییان لەسەر چۆنێتی خۆپارێزی لە کۆرۆنا پێدەدەین. چەند مانگێکە هاوپەیمانی نێودەوڵەتی پلان دادەنێت بۆ گواستنەوەی بنکە سەربازییەکانی لە عێراق بۆ ژێر کۆنترۆڵی هێزە ئەمنییەکانی عێراق. لە ماوەی دوو هەفتەی رابردوودا پێگەی خۆمان لە بنکەکانی قایم و گەیارە گواستووەتەوە، لە رۆژانی داهاتوودا دەرچوونی هاوپەیمانان لە کەرکووک و مووسڵ دەبینن.

مایڵز کاگینز گوتیشی: هاوپەیمانی نێودەوڵەتی لەسەر داوای حکوومەتی عێراق و لە چوارچێوەی عێراق لە وڵاتەکە دەمێنێتەوە و هاوبەشییەکەشی لەگەڵ هێزە ئەمنییەکانی عێراق بەردەوام دەبێت. لە باکووری رۆژهەڵاتی سووریا، هاوپەیمانی نێودەوڵەتی بەردەوام دەبێت لە کاری هاوبەش لەگەڵ هێزەکانی سووریای دیموکرات – هەسەدە. لە هەرێمی کوردستان هەزار و 100 سەربازمان هەن کە نوێنەرایەتی چەندین وڵاتی جیاواز دەکەن، ئەمریکا هێزی لێرە هەیە و چەندین ئیتاڵیش لە ئەرکدان، سەربازمان هەن لە هەنگاریاوە هاتوون، لە فینلەندا و کەنەداوە هاتوون، ئێستا سەربازانمان لە سەنتەری مەشقەکان هێناوەتە دەرەوە، بەڵام کە دەرفەتمان بۆ رەخسا بچینەوە سەر مەشق و راهێنان، دوودڵی لێ ناکەین.

کاگینز لەکۆتایدا وتی: جارێکی دیکە دەیڵێمەوە، دوو ئەرکمان بۆ تێکشکاندنی داعش هەن. یەکێک لەو ئەرکانە ئۆپەراسیۆنەکانی دژ بە داعشن، وەکوو هێرشی ئاسمانی، بەشکردنی زانیاری هەواڵگری، هەروەها هاریکاری دیکە بۆ هێزە هاوبەشەکانمان کە هەندێکجار دەچنە شوێنە مەترسیدارەکان لە چیا و بیابانەکان بۆئەوەی چەکدارانی داعش بدۆزنەوە. بەشەکەی دیکە مەشقی سەربازییە، مەشقی سەربازی تەنیا لەبەر ڤایرۆسی کۆرۆنا وەستاوە، هەریەکێک لەو وڵاتانەی کە راگرتنی مەشقەکانیا راگەیاندووە، لەوانە فەرەنسا و چیک و بەریتانیا، لەوانەیە هەندێکی دیکەش هەبن، گوتوویانە کە هەرکاتێک بتوانن دەگەڕێنەوە عێراق و لە مەشقەکان بەردەوام دەبن.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی