شاناز ئیبراهیم ئه‌حمه‌د، به‌رپرسی رێكخستنه‌كانی ده‌ره‌وه‌ی یه‌كێتی و خوشكی هێرۆ برایم ئه‌حمه‌د، له‌ وتارێكدا به‌ناوی داواكردنی كۆنگره‌، هێرشی كرده‌ سه‌ر كۆسره‌ت ڕه‌سوڵ و به‌وه‌ تۆمه‌تباری كرد كه‌ هۆكاری دواخستنی كۆنگره‌یه‌. به‌رپرسانی باڵه‌كه‌ی كۆسره‌ت ره‌سوڵ عه‌لیش به‌ توندی وه‌ڵامی شاناز برایم ئه‌حمه‌د ده‌ده‌نه‌وه‌ و ئاشكرای ده‌كه‌ن كه‌ شاناز برایم ده‌یه‌وێت هه‌رچۆنێك بووه‌ بگاته‌ سه‌ركردایه‌تیی یه‌كێتی و به‌ “نه‌شاز” ناوی ده‌هێنن.

***

***

سه‌نگه‌ر عه‌بدولسه‌مه‌د، كارگێڕی مه‌ڵبه‌ندی هه‌ولێری یه‌كێتی كه‌ به‌ نزیكایه‌تی له‌ كۆسره‌ت ڕه‌سوڵ ناسراوه‌ وتارێكی به‌ناوی (مژدەیەكی جەژنانە بۆ نەشاز و نەشاز ئاساكان) له‌ ماڵپه‌ڕی (ڕاچڵه‌كین)ی سه‌ر به‌ كۆسره‌ت ره‌سوڵ بڵاو كرده‌وه‌ و سه‌روسوڕمانی خۆی له‌وه‌ ده‌ربڕی كه‌ شاناز ئیبراهیم ئه‌حمه‌د كه‌ ئه‌و به‌ “نه‌شاز” ناوی بردووه‌ دەنووسێت: له‌ بری پیرۆزبایی جه‌ژن، “له‌ ڕێگه‌ی نامه‌یه‌كی بێسه‌روبه‌ره‌وه‌ بۆ كه‌سی یه‌كه‌می حزبه‌كه‌ی، ده‌ست به‌ قیڕه‌قیڕ ده‌كات و هەوڵی شێواندنی ڕاستییەكان دەدات كە پڕیەتی لە بوختان و دووڕوویی، سەرجەمی ناوەڕۆكی نامەكەی بۆ خۆدەرخستن و نمایشێكی درۆیینانەیە و دوورە لە ڕاستییەوە. نەشاز و نەشاز ئاساكان چاویان بە كۆنگرەیەكی تەندروست هەڵنایەت، بۆیە لەهەوڵدان بۆ خۆدەرخستن و پەردەپۆشكردنی مێژووی خراپیان و ئەو زیانانەی رۆژانە گەیاندوویانە و دەیگەیەنن بە یەكێتی. ئەو نەشازانە تەنها بۆ جارێكیش باسی تازەكردنەوەی پەیڕەو و پرۆگرام و بەرنامەی یەكێتی ناكەن، بەڵكو تەنها و تەنها هەڵپەیانە تا زوو بگەن بە سەركردایەتی یەكێتی.

***

جه‌ختیشی كردووه‌ته‌وه‌ كه‌ لای ئەوان كێشە نییە بە چی ڕێگەیەك و بەچی شێوازێك ده‌گه‌ن به‌ سه‌ركردایه‌تی، به‌ڵكوو “گرنگ ئەوه‌یه‌ بگەن بە دەسەڵاتی زیاتر بۆ بەرژەوەندیی تایبەتیی خۆیان”.

***

سه‌نگه‌ر موژده‌ی ئه‌وه‌ی به‌ شاناز ئیبراهیم داوه‌ كه‌ “دڵسۆزانی یه‌كێتی” هەوڵدەدەن ئەمساڵ بكەن بە ساڵی كۆنگرەیەكی تەندرووست و نوێبوونەوەی یەكێتی، “كۆنگرەیەك دەبێت بۆ لێپێچینەوە لەم گەندەڵ و مشەخۆرانەی كە ماوەی چەند ساڵێكە رۆژانە لە هەوڵی تێكدانی یەكێتی و هەڵوەرینی ئەندامان و دڵسۆزانی یەكێتیدا درێغییان نەكردووە، چی لە دەرەوەی كوردستان و ناوەوەی كوردستاندا. كۆنگرەیەك دەبێت بۆ لێپێچینەوە لەم نەشازانەی ماڵ و موڵكی یەكێتی قۆرخ دەكەن و بەهەدەری دەدەن، كۆنگرەیەك دەبێت بۆ لێپێچینەوە و لەو نەشازانەی كە مێژوویەكی خراپیان هەیە لەناو یەكێتی و زەرەری زۆریان گەیاندووە بە یەكێتی. كۆنگره‌ كۆتایی بە نمایش و گەندەڵی و لادەرەكانی خۆت و هاوتاكانت دەهێنێت، چیتر دڵسۆزانی یەكێتی رازی نابن خەڵكانێكی نەشاز ببن بە بارێكێ نەشاز بۆ سەر یەكێتی”.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی