لە سەرەتای ساڵی 2018دا تورکیا و هەندێک لە هێزە نزیکەکانی لە ئۆپۆزیسیۆنی سووریا هێرشیانکردە سەر عەفرین و دوای دوو مانگ لە شەڕکردن ئەو هەرێمەی رۆژئاوای کوردستانیان کۆنتڕۆڵکرد، لە ئەنجامی ئەو ئۆپەراسیۆنە خەڵکێکی زۆر ئاوارەبوون. 

 لە تشرینی یەکەمی رابردوویشدا تورکیا و هێزە نزیکەکانی لە ئۆپۆزیسیۆنی سووریا هێرشیانکردە سەر ناوچەی سەرێکانی و هەندێک شوێنیان کۆنتڕۆڵکرد و ئەو ئۆپەراسیۆنەش دەیان هەزار کەسی دیکەی ئاوارەکرد.

سەما بەکداش گوتەبێژی پەیەدە پێیوایە لەسەر بنچینەی رێککەوتنی دهۆک دەبێت دەسەڵاتێکی سیاسی پێکبێت کە ئەنەکەسە و پارتەکانی یەکێتیی نیشتمانی لەخۆبگرێت.

 بەکداش دەڵێت: قۆناخی ئێستا هەستیارە و ئەو هەنگاوەی پێیگەیشتین جێگەی دڵخۆشییە؛ پێویستمان بە یەکێتیی نەتەوەیی هەیە بۆئەوەی دەستکەوتەکانمان لە بەڕێوەبەرایەتی خۆسەر و دامەزراندنی هەسەدە بپارێزین و بەهێزتری بکەین. ئەو رێککەوتنە پێویست بوو. لە قۆناخی یەکەمی دانوستاندنەکاندا هەندێک ئامانجی ستراتیژی هەبوون و تێروانینی سیاسی هاوبەشی زۆر گرنگ بەدەستهاتوون.

  گوتەبێژەکەی پەیەدە لەبارەی قۆناخی دووەمی دانوستاندنەکانەوە گوتی، راستە قۆناخی دووەمی دانوستاندنەکان بێ کێشە نابن، بەڵام قۆناخی یەکەم زۆر گرنگ بوو، چونکە قۆناخی دروستکردنی متمانەبوو لە نێوان هەردوو لایەندا. هەربۆیە دروستبوونی متمانەکە وادەکات، بتوانرێت هەرکێشەیەک چارەسەربکرێت کە دەکرێت لە قۆناخی دووەمدا بێتەپێشەوە.  لە قۆناخی سێیەمدا دەبێت دەسەڵاتێکی سیاسی پێکبێت کە ئەنەکەسە و پارتەکانی یەکێتی نیشتمانی لەخۆبگرێت و ئەوەش لەسەر بنچینەی رێککەوتنی دهۆک دەبێت.

رۆژی چوارشەممە 18-6-2020 باڵیۆزخانەی ئەمریکا لە دیمەشق بە بەیاننامەیەک بە هەردوو زمانی کوردی و ئینگلیزی پشتیوانی لە رێککەوتنی سیاسی ئەنجوومەنی نیشتیمانی کورد لە سووریا و پارتی یەکێتی دیموکراتی کرد و رایگەیاند، هەردوو شاند دووپاتیانکردەوە کە رێککەوتنی دهۆک دەکەنە بنەمای دانوستاندنەکانی تایبەت بە دروستکردنی یەکڕیزی نێوانیان.

 باڵیۆزخانەی ئەمریکا لە دیمەشق لە راگەیێندراوەکەیدا کە تایبەت بوو بە دانوستاندنەکانی ئەنەکەسە و پەیەدە لەکوردستانی سوریا رایگەیاند، ئەو لێکتێگەیشتنە هەنگاوێکی گرنگە بەئاراستەی تێگەیشتنی زیاتر و هاوئاهەنگی پراکتیکی و ئەوەش لەبەرژەوەندی خەڵکی کورد و هەموو سوورییەکاندا دەبێت.

ئەم هەنگاوانە و کێشەکانی لەکاتێکدایە کە کێشەی سەرەکی چارەسەر نەکراوە و ئەوەش ئەوەیە کە دەمشق چەندین جار دووپاتی کردووتەوە کە رێگا نادات وڵاتەکەی 2 دەسەڵات و هیزی تێدا بێت و رێگا نادات ئەم باڵە سیاسی و چەکدارانەی کورد بە یارمەتی ئەمریکا قەوارەیەکی سیاسی لەباکوور و رۆژهەڵاتی ئەو وڵاتەدا دابمەزرێنێت.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی