دوای ئه‌وه‌ی چه‌كدارانی په‌كه‌كه‌ له‌ده‌ڤه‌ری ئامێدی گه‌نجێكی دانیشتووی سنوره‌كه‌یان رفاند پاش 99 رۆژ هێشتان چاره‌نوسی ئه‌و گه‌نجه‌ نازاندرێت كه‌س و كاری گه‌نجه‌كه‌ و دانیشتوانی ناحیه‌ی كانی  چه‌مانكێ خۆپیشاندانێكیان ئه‌نجامدا و تێیدا داوای دیاری كردنی چاره‌نووسی ئه‌و گه‌نجه‌ ده‌كه‌ن.

 له‌ سنوری ناحیه‌یی چه‌مانكێی قه‌زای ئامێدیه‌، چه‌كدارانی په‌كه‌كه‌ گه‌نجێك به‌ ناوی جووتیار موحسین حوسێن، لە دایكبووی ساڵی 1991ی گوندی سیاری سنووری ناحیەی كانی چەمانكێیە ده‌ڕفێنردێت و شوێن بزر ده‌كرێت.

بۆ زانینی چاره‌نووسی گه‌نجه‌كه‌ كەسوكاری لەبەردەم بەڕێوەبەرایەتی ناحیەی چەمانكێ گردبوونەوە و داوایان كرد كە فشار بخرێتە سەر پەكەكە، بۆ ئەوەی چارەنووسی كوڕەكەیان ئاشكرا بكەن و ئازادی بكەن، هه‌روه‌ها لەناو خۆپیشاندانەكەدا بەیاننامەی رێكخراوەكانی كۆمەڵی مەدەنی لە ناوچەكە خوێندرایەوە، تێیدا ناڕەزایەتی خۆیان دەربڕی و داوای ئازاد كردنی ئەو گەنجەیان كرد.

لەوبارەوە خاتوو لەعل سیاری، دایكی ئەو گەنجە وتی: كوڕەكەمان ھیچ تاوانێكی نەكردووە و پەكەكە لە خۆڕا دەستگیری كردووە، داواكارین كوڕەكەمان ئازاد بكەن و بگەڕێتەوە ناومان و پەکەکەش چیتر واز لەم رفاندن و تۆقاندن و تێرۆرانە بێنێت و با بڕواتە تورکیا ئەگەر زۆر ئازایە! با لەوێ گەنجێکی تورک بڕفێنێت بزانە چی لیدەکەن. لێرە بۆتە کوێخای ناوچەکە.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی