فەرماندەی ھێزەكانی پاسەوانی سەر سنووری ھەرێمی كوردستان، كە سەر بە حكوومەتی عێراقە، رایگەیاند: توركیا  لە بۆردوومانكردنی ناوچە سنوورییەكانی ھەرێم بەردەوامە و رۆژانە گوندەكانی ھەرێم لەو ناوچانە چۆڵ دەكرێن، ھەموو ھۆكارەكەش بوونی پەكەكەیە، بۆیە پێویستە گوند و ئاواییەكان چۆڵ بكەن و بۆ بەرژەوەندی خۆیان، زیان بە ھەرێمی كوردستان نەگەیەنن.

***

لیوا شێركۆ زەنگەنە، لەمبارەوە وتی: توركیا بەردەوام ئۆپەراسیۆن ئەنجام دەدات و تۆپبارانی ناوچە سنوورییەكانی ھەرێمی كوردستان دەكات، ئێمەش بەردەوام حكوومەتی عێراق لەو بۆردوومانانە ئاگادار دەكەینەوە و لە ھەر بۆمبێك ئاڕاستەی سنووری ھەرێم بكرێت، حكوومەتی عێراقی لێ ئاگادار دەكرێتەوە بە تەواوی وردەكاری و شوێنی بۆردوومانەكەش و بەردەوامیش زیان بەو ناوچانە دەگات. ھەر جارێك بۆردوومانی ناوچە سنوورییەكانی ھەرێم دەكرێت، زیان بەر ھەرێم دەكەوێت و ناوچەكە دەسووتێت و خەڵك ئاوارە دەبێت، بۆیە پێویستە چیتر خەڵكی ھەرێمی كوردستان نەبێتە قوربانی و ناكرێت دۆخەكە بەو شێوەیە بەردەوام بێت.

***

زەنگەنە باسی لەوەش كرد، ئەگەر پەكەكە سنوورەكە چۆڵ بكات، تۆپبارانیش نامێنێت، چونكە توركیا بە بیانووی ئەوان بۆردوومانی ناوچەكە دەكات و پێویستە پەكەكە بچێتە ئەو شوێنەی خۆیان دەیانەوێت، نەك لە ھەرێمی كوردستان بن، چونكە بوونی پەكەكە زیانی زۆری بە ھەرێمی كوردستان گەیاندووە. تەنھا لە سنووری دھۆك ٤٠٠گوند چۆڵ كراون و رۆژانەش گوندەكانی نزیك بۆردوومانەكان چۆڵ دەكرێن، چونكە ژیان لەو گوندانە بۆ ئەوان نەماوە، بۆیە پێویستە پەكەكە لەو ناوچانە نەمێنێت، چونكە دەچنە ناو گوند و ئاواییەكان و توركیاش بۆردوومانی دەكات، كە خەڵكی ئێمەش ژیان و گوزەرانیان لەو ناوچانەیە، بۆیە بە ھۆی ئەو بۆردوومانانەوە بە ملیاران دۆلار زیان بەر خەڵكی كوردستان كەوتووە. شوێنی پەكەكە ھەرێمی كوردستان نییە و ناكرێت بۆ بەرژەوەندیی خۆیان، زیان لە ھەرێمی كوردستان بدەن.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی