نورشان حسێن، نوێنەرى باڵی سوری پەکەکە لە هەرێمی کوردستان کە چەند رۆژێکە دەستبەکار بووە دەڵێت: ئەنجومەنى نیشتیمانى کورد لە سوریا (ئەنەکەسە) جگە لە کردنەوەى ئۆفیسەکانى هیچ هەنگاوێکى بۆ گفتوگۆ لەگەڵ ئیدارەى خۆسەر(باڵی سوری پەکەکە) نەهاویشتووەو سەردانەکەى ئەنەکەسە بۆ تورکیا بەربەست بۆ چارەسەرکردنى کێشەکان دروستدەکات.

نورشان لەدرێژەدا دەڵێت: ئەوەى سوپاى دەوڵەتی تورک و گروپە چەکدارەکان لە عەفرین ئەنجامى دەدەن هەر لە کوشتن و رفاندن و ئەشکەنجەدان و دزی و تاڵانى و ئاوارەکردن هەمووی لە سەرێکانى و گرێسپى دووبارە دەکەنەوە بگرە زۆر بە زیاتریشەوە، ئێستا سیاسەتێکى نەژادپەرستى پەیڕەو دەکەن، دیموگرافیای تایبەت لەسەر ماڵ و خاکى کوردان جێبەجێ دەکەن، بە ئاشکرا دەڵێن هەر هاوڵاتیەکى کورد بگەڕێتەوە سەرێکانى‌و گرێسپى دەیکوژن، حاڵەتى ئاوا هەبووە، هەندێک خەڵک گەڕاوەتەوە ناوچەکانیان، بەڵام کوشتوویانن، واتە دۆخێکى وەحشیگەرانە لە ناوچەکان دەگوزەرێت کە لە هیچ یاساو پرەنسیپێکى نێودەوڵەتیدا قبوڵ ناکرێت. ئەگەر لە ناوچە کوردییەکان هێزێکى نێودەوڵەتى نەبێت هیچ گرەنتیەک نییە کە تورکیا هێرش نەکات، واتە ئەگەر ئەمریکاو روسیا نەبن تورکیا بێ شک هێرش دەکات، دواى کشانەوەى هێزەکانی ئەمریکاش لە سوریا مەجبور بووین کە هێزەکانى روسیا لە کۆبانى جێگیر بن، ئەگەر روسیا لە کۆبانى هەبێت گفتوگۆکانى ئێمەش لەگەڵ رژێمى سوریا ئەنجامێکى دەبێت، روسەکان دەتوانن یارمەتیدەر بن بۆ چارەسەرکردنى کیشەکانى ئێمە لەگەڵ رژێمى سوریا.

ئەم بەرپرسەی پەکەکە دەڵێت: لەکاتێکدا کە ئەنەکەسە ئۆفیسەکانى دەکاتەوەو بە شاندێکیش دەچێتە تورکیا بە بڕواى ئێمە وەک باڵی سوری پەکەکە لە باشور ئەم سەردانە لە بەرژەوەندى یەکڕیزى کورد نییەو دەشبێتە بەربەستێک لەبەردەم چارەسەرکردنى کیشەکان، چونکە دوژمن دیارە کێیە کە تورکیایەو کورد دەکوژێت.

نورشان لەبارەی گفتگۆ لەگەڵ دەمشق وتی: هەوڵەکان لە هەردوولا بەردەوام بۆ ئەوەى گفتوگۆ هەبێت، ماوەیەک بەر لە ئێستا دەستپێشخەریەک هەبوو بۆ گفتوگۆ، بەڵام دوایی رژێم لێدوانی دا، کە ئیدارەى خۆسەر قبوڵ ناکەن، دەرکەوت هێشتا رژێم وازى لە عەقڵیەتى شۆڤێنى خۆى نەهێناوە، بۆیە دۆخەکە بەو جۆرە ماوەتەوە.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی