لە هەڵبژاردنی شارەوانیەکانی ٣١ی ئازاری ساڵی ٢٠١٩دا پارتی دیموکراتی گەلان (هەدەپە) توانیبووی ٦٥ شارەوانی پارێزگا و شار و ناحیەکانی کوردستانی تورکیا.

هەدەپە لە هەڵبژاردنی شارەوانیەکاندا سیاسەتەکانی گۆڕیبوو و لە شارە تورکیەکاندا کە دەنگی زۆر بەدەستناهێنێت، پشتگیری لە کاندیدەکانی پارتی گەلی کۆماری (جەهەپە) کرد و لە ئەنجامدا پارتی داد و گەشەپێدان (ئاکەپە) لە شارە گەورەکانی وەک ئەستەنبوڵ، ئەنقەرە، ئیزمیر و ئایدن و چەند شارێکیتر شارەوانیەکانی لەدەستدا کە ئەوەش وەک سەرکەوتنێک بە هاوکاری هەدەپە لەدژی ئاکەپە تۆمار کرا.

بە بڕیاری وەزارەتی ناوخۆی تورکیا شارەوانیەکانی شاری ئیغدر، سێرت و ناوچەی کورتالان، مسرج و هاوێلی هەدەپە لە کوردستانی تورکیا دەستیانبەسەرداگیرا و هاوسەرۆکی شارەوانیەکان دەستگیرکران و لە جێگەیان قەیوم دانران کە ژمارەیەک بەرێوەبەر و قایمقامی حکومەتن.

حکومەتی تورکیا لە مانگی ئازاریشدا دەستی بە ئۆپەڕاسیۆنێک لەدژی هاوسەرۆکی شارەوانیەکانی کوردستانی تورکیا کردبوو و دەست بەسەر ژمارەیەک شارەوانی تردا گرت لە ناوچەکانی ئەرگەنی، گێل، لیجە، سلیڤان و گۆرویماکی سەر بە پارێزگای ئامەد.

دواتر ئۆپەڕاسیۆنەکە هەموو کوردستانی تورکیای گرتەوە و قۆناغ بە قۆناغ لە هەموو پارێزگاکان هاوسەرۆکی شارەوانیەکان دەستگیرکران و دەست بەسەر شارەوانیەکاندا گیرا و لەم دۆخەی ڤایرۆسی کۆرۆنادا حکومەت وازی لەو سیاسەتە نەهێناوە و بەردەوامە لەسەر دەستگیرکردنی هاوسەرۆکی شارەوانیەکان.

حکومەتی تورکیا بەتۆمەتی هاوکاری کردن لەگەڵ گرووپێکی تێرۆریستی (پەکەکە) و یا خود ئەندامبوون لە گرووپە و بە کارکردن بۆ پەکەکە و تێکدانی ئاسایشی نەتەوەیی تورکیا لەساڵی ٢٠١٦ هاوسەرۆکی شارەوانیەکان دەستگیر و لەسەر کار لادا و لە کۆی ٦٥ شارەوانی لە ئێستادا بە تەنها ١٢ شارەوانی بەدەست هەدەپەوە ماون و ٢١ هاوسەرۆکی شارەوانی پیاو و ٨ هاوسەرۆکی شارەوانی ژن لە ئێستادا لە زینداندان و ئەوانەی تریش دوورخراونەتەوە.

ساروخان ئولوچ وتەبێژی پارتی دیموکراتی گەلان (هەدەپە) لەبارەی ئۆپەڕاسیۆنی حکومەتی داد و گەشەپێدان بەرانبەر شارەوانیەکان بە ماڵپەڕی دوێچەڤێلای ئەڵمانی ڕایگەیاندووە، ئاکەپە بە هێرشەکانی یاسای هەڵبژاردن پێشێل دەکات و لەم دۆخەی ڤایرۆسی کۆرۆنادا کە جیهان سەرقاڵی دۆزینەوەی چارەسەریە، ئاکەپە دەستی بە ئۆپەڕاسیۆنێکی گەورە کردووە و وەک هەلێک بۆ بێدەنگکردنی کورد بەکاریدەهێنێت.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی