موراد کارایلان سەرکردەی پەکەکە باس لەوە دەکات کە ئامانجی تورکیا لە ‌هێرش بۆ سەر پەکەکە لەهەرێمی کوردستان، داگیرکردنی ئەم بەشە لەکوردستانە.

***

کارایلان لەدیمانەیەک لەگەڵ ئامەد دیجلە خاوەن ئیمتیازی ستێرک تیڤی و رۆژتیڤی سەر بە پەکەکە وتی ئەوەی تورکیا لە خاکورک دەیکات هێرشی سەربازی نییە بەڵکوو بەرنامەیەکە بۆ داگیرکردنی هەرێمی کوردستان. هەرێمی کوردستان و بەتایبەت پارتی بەکردەوە لەگەڵ هێرشەکانی تورکیان و ئەمە بەواتای قبوڵی داگیرکاریە و لەئەنجامدا لەدەستدانی کەرکووکە.

****

کارایلان لەدرێژەدا باسی لەوەکرد کە گوایا خەڵک لەدەست دەسەڵاتی هەرێمەوە تووڕەن و نموونەکەشی ئەوەی شێلادزێیە. ناوبراو بەرپرسانی هەرێمی کوردستانی وەک دواکەوتوو و نەزان وەسف کرد و داوای کرد دەست لە کردەوەکانیان هەڵبگرن. هەڵبەت کارایلان لەبارەی بوونیان لە نێو خاکێ ئێراق و داگیرکردنی مەزرا و ماڵی خەڵکی بێدەنگی هەڵبژارد. شایانی باسە بەرپرسانی هەرێم بەتایبەت بارزانی پەکەکە بەرپرسیاری نائارامی و ناسەقامگیری هەرێمی کوردستان دەزانێت کە بیانوو دەتاتە دەست تورکیاوە کە هێرش بکاتە سەر هەرێمی کوردستان.

***

دوخی ئێستا ئاوێنەیەکە لەناکۆکییە قووڵەکانی دوو لایەنی کورد و رابردوویە کە بۆ چەند دەیە دەگەڕێتەوە. هەڵبەت لەم نێوەندەدا نابێت ناکۆکی نێوان پارتی و یەکێتی لەبیر بکەین. شەڕ بۆ پۆست و وەرگرتنی پارەی نەوت. ئەمە کردەوەی ئەم دوو پارتەیە. لەکاتێکدا خەڵک لە هەرێمی کوردستان لەقەیرانی سەرچاوەگرتوو لە سیاسەتی ئەم پارتانە دەناڵێت، سەرکردەکانی ئەم پارتانە بەس چاویان لە ماڵبات و عەشیرەی خۆیانە و لەسەر پۆست و پارەی نەوت پێکەوە ناکۆکن. لەدانیشتنی پارلەمان بۆ هەڵبژاردنی سەرۆکی هەرێمی کوردستان یەکێتی بەشدار نەبوو. ئەمە واتە نێچیروان بارزانی رەوابوونی نییە. بۆیە چاوەڕی دەکرێت لەئایندەدا شاهێدی ناکۆکی زیاتر بین.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی