عەبدولڕەحمان ئاپۆ ئەندامی کۆمیتەی ناوەندی پارتی دیموکراتی کوردی سووریا (PDK-S) دەڵێت: ئێستا پێویستە پارتی یەکێتیی دیموکراتی (PYD) بگەڕێتەوە بۆ موقیفی عەقڵییەتی کوردی و پێوەندییەکانی لەگەڵ قەندیل بپچڕێنێت.

ئاپۆ ئاماژەی بە پڕۆسەی دانوستانی نێوان ئەنجومەنی نیشتمانی کوردی سووریا (ENKS) و پارتی یەکێتیی دیموکراتیکی سووریا (PYD) دەدات و دەڵێت: دانووستانەکانی ئەنەکەسە و پەیەدە تەنها ئەم دانووستانەی چەند ڕۆژەی ڕابردوو نەبووە بەڵکوو گفتوگۆکانی ئەو دوو لایەنە هەر لە پێشووترەوە بەردەوام بووە. ساڵی 2012 بە دەستپێشخەری مەسعوود بارزانی دانیشتنی هەولێری یەک و هەولێری دوو ئەنجام درا و هەروەهاش ساڵی 2014 دانیشتنی دهۆک بەڕێوە چوو بەڵام هیچیان نەگەشتنە ئەنجام و هەموو ئەو هەوڵانەی درا لە لایەن پەیەدەوە لە ناو برا.

ئاپۆ لەدرێژەدا دەڵێت: پارتی یەکێتی دیموکراتی شەڕی بە هاووڵاتییانی کورد کرد و ژمارەیێکی زۆر لە خەڵکەکەی یان گیانیان بەخت یان خود لە کوردستانی سووریا ئاوارە بوون. نووسینگەکانی سەر بە ئەنجومەنی نیشتمانی هەموویان سووتێندران. بەڵام بەو حاڵەشەوە ئێمە لە سەر ئەو بڕوایەین کە یەکگرتنی کورد بۆ ئێمە زۆر گرینگ و بەبایەخە. ئێمە ئامادەین بۆ بەرژەوەندی کورد دەست بە هەموو جۆرە گفتوگۆیێک بکەین و بگەینە ڕێککەوتن.

ئاپۆ مەرجەکانی رێککەوتن لەگەڵ پەیەدەی بەم شێوە بەیان کرد:

1- پارتی یەکێتی دیموکراتیک بگەڕێتەوە سەر هەڵوێستی عەقڵییەتی کوردی

2- پارتی یەکێتی دیموکراتیک (پەیەدە) لە سەر بنەمای مێژووی سیاسیی 1957ی کوردستانی سووریا ڕەفتار بکات

3- پەیەدە شۆناسی کوردی سووریا وەربگرێت

4- چارەنووسی زیندانییە سیاسییەکان دیاری بکات

5- پەیەدە بگەڕێتەوە بۆ ڕێککەوتنەکەی دهۆک و دەقی ڕێککەوتنەکەی جێبەجێ بکات

6- پەیەدە پێوەندییەکانی لەگەڵ قەندیل بپچڕێنێت

7- ڕێککەوتنی نوێ لە سەر خاڵە سیاسی و ئیداری و ئابووری و سەربازییەکان واژۆ بکرێت

8- لەشکری ڕۆژ تەوەرێکی هەرە گرینگە و هێزی پێشمەرگە بەشێکە لە هێزی سەربازی کوردستان و پێویستە لە سەر بنەمای ڕێککەوتنێکی نوێ ئەو هێزانە بێنە کوردستانی سووریا.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی