مه‌لا شێخه‌، ئه‌ندامی سه‌رکردایه‌تیی یه‌کێتی دەڵێت: تا ئێستا گرفتی گەورە له ‌به‌رده‌م یه‌کێتی یه‌کلا کردنه‌وه‌ی مه‌کته‌بی سیاسییە که‌ هێشتا ماوه‌ و یه‌کێکه‌ له‌ بابەتە قورسەکان. داوا کراوە، بابەتەکە نەورووژێندرێت تاوەکوو کاردانەوەی خراپ روونەدات. بڕیار دراوه‌ کاروباره‌کان په‌له‌په‌لیان تێدا نه‌کرێت، چونکە هێشتا بەشێکی کەمی دەسەڵاتەکانی ئەنجوومەنی باڵای سیاسی ماوە کە لەسەری ڕێککەوتن بکرێت. هه‌ڵبژاردنی کارگێڕی مه‌کته‌بی سیاسی و مه‌کته‌ب و مه‌ڵبه‌نده‌کان، رێگا و ڕێوشوێنی بۆ دیاریکراوه‌، داواکراوه‌ ئەم بابەتە نەورووژێندرێت تا کاردانەوەی خراپ روونه‌دات، واخه‌ریکی ئه‌وه‌ن و گفتوگۆ ده‌کرێت.

شێخە هۆکاری بەشداریکردنی باڤڵ تاڵەبانی، هاوسەرۆکی یەکێتیشی لە کۆبوونەوەکەی ڕۆژی دووشەممە ٢٤ی شوباتی ٢٠٢٠ی سەرۆکایەتییەکانی هەرێمی کوردستان و لایەنە سیاسییەکان ئاشکرا کرد و رای گەیاند: کۆسره‌ت ره‌سووڵ عه‌لی باری تەندروستی لەبار نەبوو بۆ ئەوەی به‌شداری کۆبوونه‌وه‌ی حزبه‌ کوردستانییه‌کان بکات، بۆیه‌ باڤڵ تاڵه‌بانی بانگهێشت کرا. کۆسره‌ت ره‌سووڵ عه‌لی ئاگاداری ئەنجوومەنی گشتی سه‌رکردایه‌تی یەکێتی کردووەتەوە و وتوویە‌ په‌له‌په‌ل نه‌که‌ن له‌ بڕیارەکاندا، بۆ ئەمەش جەختی لەو نامەیە کردووەتەوە کە ئاراستەی سەرکردایەتی حزبەکەی کردووە کە تێیدا نووسیویەتی: شتێک نه‌که‌ن له ‌به‌رژه‌وه‌ندی کوردستان و یه‌کێتیدا نه‌بێت، به ‌وردی کار له‌سه‌ر کارنامه‌ بکه‌ن.

لە دوای کۆنگرەی چوارەمی یەکێتی کە لە کۆتایی ٢٠١٩ ئەنجام درا، جگە لەم کێشانەی لەنێو ئەنجوومەنەکان و باڵەکانی حزبەکەدا هەیە، دەیان سەرکردەی پێشوو و کادیری دیاری یەکێتی ناڕازین و بانگەشەی ئەوە دەکەن کە لە کۆنگرەدا دەرچوون کەچی دەرنەچوێندراون، لە نێویشیاندا (عوسمان بانیمارانی، هەڵۆ پێنجوێنی، بەرزانی ئەحمەد کوردە، سامان گەرمیانی، قادر رەزگەیی، سالار مەحموود و چەندانی دیکە) هەن کە هەندێکیان داوای دووبارەکردنەوەی کۆنگرە دەکەن.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی