دوای چونی هێزێكی هاوبەشی وەزارەتی پێشمەرگە بۆ ناوچەی زینی وەرتێ كە نارەزایی پەکەکەی لەناوچەكە لێكەوتەوە، ماوەیەكیان بەپیشمەرگە دا بە جێهێشتنی ناوچەكە كە شەممە كاتی ئەو مۆڵەتە بۆ كشانەوەی هێزەكانی پێشمەرگە تەواو بوو.

سەرچاوەیەكی خۆجێی ئاگادارلەمبارەوە وتی: هێزێكی گەریلا چونەتە ئەو ناوچەیە، ئەگەری شەڕ لە ئارادابوە، بەڵام خەڵكی ناوچەكە وەرتێ و دۆڵی شاورێ گفتوگۆیان لەگەڵ هێزەكەی پەكەكە كردووە بۆ دان بەخۆداگرتن و خۆ دوورگرتن لە رووبەروبونەوەی چەكداری. خەڵكی ناوچەكە رایانگەیاندووە هەر شەرێك لەو ناوچەیە بەزەرەی خەڵكی كوردستان و یەكێتی تەواو دەبێ بەتایبەت كە وەرتێ بنكەیەكی گرنگی شۆڕش بوە لەماوەی رابردوو.

خەلكی ناوچەكە بەنیازن لەگەڵ یەكێتی و وەزارەتی پێشمەرگەش دانیشتن بكەن بۆ روونكردنەوەی مەترسیەكانی ئەو بەرەو پێشچوونانە و هێنانی ئەو هێزانەی پێشمەرگە چارەسەر بكەن. هەروەها بەنیازن پەیامێكیش ئاراستەی هێزەكانی گەریلا بكەن كە خۆیان بە خاوەنی ئەو ناوچەیە نەزانن هاوشێوەی بەشێك لە باكوری كوردستان مامەلەی لەگەل نەكەن بەڵكو تایبەتمەندی ناوچەكە كە سنوری هەرێمی كوردستانە لەبەرچاوبگرن.

جێی باسە پەکەکە ئەوەی بەخەلكی ناوچەكە وتوە هاتنی ئەو هێزە لەو كاتە بە فەرمانی توركیایە بۆ بەرتەسككردنەوەی جولەی هێزەكانی ئەوان. ئەمە لەکاتێکدایە کە زیاتر لە سێ دەهەیە پەکەکە کێشەی نێوان خۆی و تورکیای هێناوەتە ناوچەکانی باشووری کوردستان و شەڕ بە خەڵکی دەفرۆشێت. وەک یەکێک لەدانیشتوانی گوندی رۆستێ دەیگووت: “باشە ئەم خاکە کەی بۆتە هی پەکەکە ئێمە نەمانزانیوە؟ پەکەکە لەتورکیاوە توانای بەرگری نەبوو یا خود لەگەڵ تورکیا رێککەوتوون و هاتوونەتە ئێرە بۆئەوەی تورکیاش بەدوای خۆیدا رابکێشێت. ئێستاش بۆتە خاوەن ماڵ و ئێمەش بووینەتە بێگانە. حەق وایە بۆ یەک کاژێریش لەم ناوچەو لەسەر ئەم خاکە نەمێنن، دەزانن ئێرە تا سنووری تورکیا چەند کیلۆمەترەیە؟”

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی