عەلی حەمە ساڵەح سەرۆکی فراکسیۆنی گۆڕان لەپەرلەمانی کوردستان، ئاماژە بەوەدەکات که هێزە فەرمیەکانی هەرێم بوون بە پاسەوانی ئەو قاچاخچیانەی کە لە رێگەی خاڵە سنوریەکانەوە شمەکی قاچاخ هاوردەی هەرێم دەکەن، دەڵێت: گۆڕان بۆ چاکسازی چووەتە نێو حکومەت و ئەمە قەبوڵ ناکات.

عەلی حەمە ساڵەح کە بزووتنەوەکەی بەشدارە لە حکومەتی هەرێمدا، لەگفتگۆ لەگەڵ دەنگی ئەمریکا بەشی کوردی باس لەوە دەکات لە رێگەی خاڵە سنوریەکانەوە، بەزەبری هێز جگەرەو دووگی ئاژەڵ و هێلکە و جۆرەها کاڵای قاچاخ هاوردەی هەرێم دەکرێت، دەڵێت: گومرگی تۆنێک جگەرە 45 دۆلارە، بەڵام بەرپرسان بە 10 دۆلار داخلی دەکەن. نازانم بەرپرسە قاچاخچیەکان کێن، چونکە خۆیان لە پێشی بارهەڵگرەکانەوە دانانیشن، تا بناسرێنەوە، بەڵام ئەوانەی بەزەبری هێز شمەک داخل دەکەن و قاچاخچێتی دەکەن، ئەوانەن کە هێزیان لەبەردەستدایە. تەنها لەمانگی 8 ی ساڵی رابردوودا، 1232 بارهەڵگر جگەرەی قاچاخ هێنراوەتە هەرێم، ئەمە جگە لەوەی کۆمپانیا هەیە لە ئیبراهیم خەلیل بەناوی جۆراو جۆر مانگانە پێنج ملیۆن دۆلار دەبات، یاخود کۆمپانیا هەیە تەنها لە کاغەزی ئەیفۆردا، مانگانە 3 ملیۆن دۆلاری دەست دەکەوێت، کاڵا لەسوریاوە بەترانزێت هێنراوە، کەچی داخلی هەرێم کراوە، یانی خاڵە سنوریەکان بوونەتە گەورەترین ناوەندی گەندەڵی لەکوردستان. کاڵا هەیە لەتورکیاوە دەبرێتە ئێران و لەوێوە دەهێنرێتە هەرێم، هەشە لەبرایم خەلیلەوە دەبرێتە سوریاو لەوێوە دەهێنرێ، کۆمپانیاکان بەجۆرەها شێوە پارە دەبەن. کۆمپانیاکان لەلایەن بازرگان و خەڵکی ئاساییەوە خاوەندارێتی ناکرێن، بەڵکو بەرپرسی باڵاو خاوەن هێزیان لەپشتە، ئێستا نوسینگە بە ئاشکرا لە سلێمانی هەیە، بە دەفتەرێک و دە گەڵا بارهەڵگرێک هێلکەت بۆ دێنێت. هەندێک بەرپرسی تر ئامێرێکی سۆنەر بە دووسەد هەزار دۆلار دەکڕن و دەیبەن لە خاڵە سنوریەکان دایدەنێن، لەوێ مانگی یەک ملێۆن دۆلاری پێ دەردەکەن.

ئەم بەرپرسەی گۆڕان لەدرێژەدا دەڵێت: سەدان بەڵگەنامەمان داوەتە سەرۆکی حکومەت و وەزیرەکان، چاوەڕێی ئەنجامین، گەر لێپێچینەوە نەکرێت، وەڵا من ئامادەنیم لەبەرچاوم، سەدان ملیۆن دۆلار بدزرێت و پێشم بوترێ شەریکی، بۆیە بێ هەڵوێست نابین. رێکخەری گشتی گۆڕان لە کۆبوونەوەی حیزبەکاندا بەتوندی قسەیکردووە، کۆبوونەوە دەکەین، پێموایە گۆڕان ئەوە قەبوڵ ناکات لە حکومەتدا بێت و بە بەرچاویەوە قاچاخچێتی بکرێت و بەرپرسان بەسەدان ملیۆن دۆلار ببەن. بازاڕەکانی هەرێم پڕبوون لە مادەی هۆشبەر، هۆکارەکەی شلی خاڵە سنوریەکانە، بەتایبەت کە بەسەدان بارهەڵگر بەدوای یەکداو بێ پشکنین دێنە هەرێم، بە ئاشکرا هێزی دەوڵەت بووەتە پاسەوانی قاچاخچی.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی