محەمەد ئیسماعیل ئەندامی سەركردایەتی ئەنەكەسە دەڵێ، ئەنەكەسە و هاوپەیمانی نیشتیمانی سووریا، رێككەوتنێكیان واژۆ كردووە، كە دەستەیەكی باڵا و هەشت لیژنەی فەرعییان بۆ گەڕانەوەی پەنابەرانی سووریا و نەهێشتنی دەستدرێژی گرووپە چەكدارەكان پێكهێناوە و لە ماوەی هەفتەیەكدا دەست بە كارەكانیان دەكەن.

ئەم بەرپرسەی ئەنەکەسە لە درێژەدا وتی: دوای ئەوەی وەكو شاندێكی ئەنەكەسە لەگەڵ سەركردایەتی هاوپەیمانی نیشتمانی سووریا لە توركیا كۆبووینەوە، رێككەوتنێكمان واژۆ كرد لەبارەی نەهێشتنی دەستدرێژییەكانی گرووپە چەكدارەكان و گەڕانەوەی پەنابەران بۆ سەر ماڵ و موڵكی خۆیان، هەورەها ئەو گۆڕینی دیمۆرافیایەی لە ناوچەكەدا هەیە، نەمێنێت، لە ئێستاشدا دەستمان كردووە بە گرتنەبەری رێكارەكانی جێبەجێكردنی رێككەوتنەكە بۆ ئەوەی پەنابەران بگەڕێنەوە و دەستدرێژییەكان نەمێنن، بۆ ئەو مەبەستەش دەستەیەكمان دروست كردووە و ئەندامانی خۆمان وەكو ئەنەكەسە دیاری كرد كە چوار كەسن.

ئیسماعیل گوتیشی: لەلایەن سەرۆكی هەماهەنگی هاوپەیمانی نیشتیمانی سووریا مامۆستا (ئەنەس عەبدی) ئاگادار كراینەوە كە ئەندامانی خۆیان دەستنیشان كردووە بۆ ئەوەی بەیەكەوە كار بكەین لەبارەی رێككەوتنی نێوانمان، بۆیە وای دەبینم لە ماوەی هەفتەیەكدا ئەو دەستەیە دەست بە كارەكانی بكات. هەشت كۆمیتەی فەرعیشمان دروست كردووە لە ناوچەكانی سەرێ كانی و گرێ سپی و عەفرین بۆ جێبەجێكردنی رێككەوتنەكە و ئەمەریكاشمان ئاگادار كردۆتەوە بۆ ئەوەی ئاگاداری قەسەدە و توركیا بكەنەوە ئاستەنگ دروست نەكەن بۆ ئەو خەڵكەی كە دەگەڕێنەوە، چونكە لە بەرژەوەندی كەسدا نییە، بەڵكوو بۆ ‌بەرژەوەندی خەڵكی ئێمەیە بگەڕێنەوە سەر ماڵ و موڵكی خۆیان‌. پەنابەرانی ئەم دواییەی سەرێ كانی و گرێ سپی، نزیكەی 104 هەزار كەس دەبن، هەموو هەوڵێكی خۆشمان دەدەین بۆ گەڕانەوەی هەموو ئەوانەی دەیانەوێت بگەڕێنەوە ناوچەكانیان.

هێز و گرووپی چەکداری زۆر لەو ناوچانە بوونیان هەیە کە هەریەکەو لەسەر بنامایەک دەڕوات، بەڵام ئەوەی راستی بێت کێشەی سەرەکی ئەنەکەسە لەگەڵ باڵەکانی پەکەکەیە لە سوریا کە بە یەپەگە و هەسەدە و یەپەژە و پەیەدە ناسراون. بەڵام ئەم رۆژانە دەنگۆی ئەوەش هەیە کە هەسەدە بە سەرکردایەتی مەزڵووم کوبانێ چرای سەوزی بۆ گەڕانەوی ئەنەکەسە هەڵکردووە و بڕیار وایە ئەوانیش بڕۆنەو کوردستانی سوریا و بارەگاکانیان بکەنەوە، جا دەبێت چاوەڕوانی قۆناخی دواتر بین کە ئاڵۆزی و کێشەکان لەئایندەدا چۆن دەبن و یا خود پەکەکە چۆن ئەم نەرمیەی نواندووە؟ ئایا لەبەر لاواز بوون و ترس لە دەست دانی ناوچەکەیە یا بەرنامەیەکی دیکە لەبەر دەستدایە؟

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی