هۆشیار عەبدوڵا، پەرلەمانتاری گۆڕان، لەوەتەی پەیوەندی هەولێر و بەغدا بەرەو ئاساییبوونەوە دەچێت، هەر ڕۆژەی بە شێوازێک، دژایەتی ئەو پەیوەندییە دەکات کە دوایینجار، دژی ئەو لایەنانەی هەرێمی کوردستان وەستاوەتەوە کە نایانەوێت عادل عەبدولمەهدی، سەرۆک وەزیرانی عێراق لە پۆستەکەی لابچێت.

***

لە سەردەمی هەردوو حکوومەتی مالیکی و عەبادیدا، ئاڵا تاڵەبانی و سروە عەبدولواحید دوو ژنە پەرلەمانتاری یەکێتی و گۆڕان بوون کە هاوشێوەی ئێستای هۆشیار عەبدوڵا، لە هەموو دۆسیەیەکدا لایەنگری بەغدا و دژی هەولێر بوون. سروە عەبدولواحید ئێستا شەڕ لەسەر پۆستی بەرپرسی دارایی حزبی نەوەی نوێ دەکات، هەرچەندە حزبێکی زۆر بچووکە و پەرلەمانتارانی حزبەکەش لە بەغدا و هەولێر بەسەر دوو بەرەدا دابەش بوون. ئاڵا تاڵەبانیش، هەرچەندە هێشتا ئەندامی پەرلەمانی عێراقە، بەڵام چیتر دەنگی جارانی نەماوە و هەوڵدەدات هەرچۆنێک بێت لە کورسییەکەیدا بمێنێتەوە، چونکە تائێستا لە چەندان سەرچاوەی جیاوازەوە بەڵگە خراوەتە ڕوو کە بە نایاسایی و لە ڕێگەی ساختەکارییەوە کورسییەکەی بەدەست هێناوە.

****

لەمبارەیەوە مەشخەڵ کەوڵۆسی، سەرۆکی ناوەندی چاوی کورد، لەمبارەوە وتی: هۆشیار عه‌بدوڵا پابه‌ند نییه‌ به‌ هاوپەیمانێتییەکانی حزبه‌که‌ی خۆشیەوە، له‌کاتێکدا گۆڕان بریارە گوتارێکی نوێی هه‌بێت و سیاسه‌تی نوێی هه‌بێت، گۆڕانکاری له‌ سایلکۆلۆژیای بیرکردنه‌وه‌ی ده‌نگده‌رانیدا بکات. کەسانێک هەن پێش ئه‌وه‌ی ده‌م بکەنەوە، ده‌زانین چی دەڵێن، ئه‌وه‌ش سیاسه‌تی بزووتنه‌وه‌ی گۆڕان لەنگ دەکات. ئەگەر سیاسییەکان لە پێناو بەرژەوەندیی خۆیان لەگەڵ مانەوەی عادل عەبدولمەهدی بن، بێگومان ئەویش لەپێناو بەرژەوەندی خۆی لەگەڵ لادانی عەبدولمەهدییە، چونکە ئەویش سیاسییە. چاره‌نووسی هۆشیار عه‌بدوڵا هەمان چارەنووسی ئاڵا تاڵه‌بانی و سروه‌ عه‌بدولواحید دەبێت و ‌باڵانسیان له‌ناو کورد داده‌به‌زێت، له‌ناو عه‌ره‌به‌کانیش حیسابیان بۆ ناکرێت، چونکه‌ ده‌نگی خەڵکی کوردستانیان به‌ده‌ست هێناوە.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی