ئەنەكەسە و پەیەدە لەسەر دەستپێشخەری نێچیرڤان بارزانی و مەزڵووم كۆبانی و لە ژێر چاودێری ئەمەریكییەكاندا و دوور لە چاوی میدیاكان پێش هەفتەیەك لە بارەگایەكی هێزە ئەمەریكییەكاندا لە حەسەكە كۆبوونەتەوە.

لە ئێستادا ئەنەكەسە و تەڤدەم هەوڵی نزیكبوونەوە لە یەكدی دەدەن، سعوود مەلا، سەرۆكی گشتی ئەنجوومەنی نیشتیمانی كورد لە سووریا “ئەنەكەسە” دەڵێ: ئەمەریكییەكان و سەرۆكی هەرێـم نێجێرڤان بارزانی و مەزڵووم كۆبانی لەسەر خەتن بۆ ئەوەی ئێمە و تەڤدەم لە رۆژئاوای كوردستان رێكبكەوین.

سعوود مەلا، لەدرێژەی وتەکانیدا دەڵێت: تەنیا ئەم داواكارییمان لە پەیەدە كردووە كە ئەندام و لایەنگرە دەستگیركراوەكانمان ئازاد بكەن بۆ ئەوەی خاڵی متمانە لە نێوانماندا بەهێز بێ، بەڵام ئەوان وەڵامی باشیان پێ نییە و بیانوو دێننەوە. راستە كۆبووینەتەوە و ئەمەریكییەكان بە ڕاشكاوانە بە هەردووكمانیان گوت (رێكبكەون).

سەبارەت بەوەی كە ئایا هیوایەكیان هەیە كۆبوونەوەكەیان ئەنجامێكی هەبێ، ناوبراو گوتی: ئێمە جیددین و دیارە كە پێشتر لە رێككەوتنەكانی دهۆك ١ و هەولێر ١ و ٢ چەند پابەند بووین، بەڵام لایەنی دووەم پابەند نەبوون، وەلێ ئێستا ئەوەی دەمێنێتەوە ئاخۆ ئەمەریكییەكان چەند جیددین لەسەر رێككەوتنەكانمان و ئێمەش چاوەڕوانی وەڵامی ئەمەریكییەكانین.

هاوكات، غەریب حەسۆ، هاوسەرۆكی تەڤگەری كۆمەڵگای دیموكراتیك (تەڤدەم)، لەمبارەوە گوتی: هەوڵ و نیازی نزیكبوونەوەمان هەیە و ئێستا لە قۆناغی دەستپێكی دانوستانەكانداین. بەهیواین ئەو دانوستانانە بگەنە ئامانج و دەبێ نیەتی باشمان هەبێ و هەردووكیشمان هەست بە بەرپرسیارێتی بكەین، بۆ ئەوەی گەلەكەمان بگاتە ئامانج، بۆیە پێویستە بە زوویی رێكبكەوین، ئێستاش نامەوێ بچمە نێو هەموو وردەكارییەكان، بەڵام نزیكبوونەوەی باش لە نێوان پەیەدە و ئەنەكەسەدا هەیە.

بەڵام وەک کارناسان دەڵێن کێشەی نێوان ئەم دوانە قووڵتر لەوەیە کە بەم زووانە چارەسەر بکرێت و بگرە بەشێکیشی پیلانی زلهێزەکانی وەک ئەمریکایە کە دەیەوێت کۆپی قەبارەکەی هەرێمی کوردستان لەوێش دووپات بکاتەوە بۆ ئەوەی هەرکات و سات کە بیەوێت رێگای شێواندن و نانەوەی کێشە و ناکۆکی هەبێت.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی