بەگوێرەی ئامارە فەرمییەکان لە چوار پارێزگا کوردنشینەکەی خۆرئاوای ئێران کۆی هەزار و 334 کەس ناویان تۆمار کردووە.

لە هەموو ئێران، بەپێی ئاماری کۆمیسیۆنی هەڵبژاردنەکانی ئەو وڵاتە، 16 هەزار و 145 کەس ناویان تۆمار کردووە کە زیاتر لە شەش هەزار کەسیان تەمەنیان لەنێوان 36 بۆ 45 ساڵدایە. لە چوار پارێزگا کوردنشینەکەی خۆرئاوای ئێران ناوی هەزار و 334 کەس تۆمار کراوە و بۆ پەسەندکردن یان ڕەتکردنەوەی شیاوبوونیان بۆ بەربژێربوون لە هەڵبژاردنەکەدا رەوانەی ئەنجوومەنی پاراستنی دەستووری ئێران دەکرێت.

بەپێی ئاماری کۆمیسیۆنی هەڵبژاردنەکان، لە پارێزگای ئازەربایجانی خۆرئاوا 522 کەس ناویان تۆمار کردووە کە 472 کەسیان پیاو و 50 کەس ژنن. لەکۆی 12 پەرلەمانتاری ئەم خولە 10 کەسیان ناویان تۆمار کردووەتەوە. کۆمیسیۆنی هەڵبژاردنی پارێزگای ورمێ دەڵێت، ژمارەی ئەو کەسانەی ئەمجارە ناویان تۆمار کردووە 18% لە جاری پێشوو زیاترە.

هەروەها لە پارێزگای کوردستان 278 کەس ناویان تۆمار کردووە و بەپێی ئاماری کۆمیسیۆنی هەڵبژاردنەکانی ئەو پارێزگایە، رێژەی ئەوانەی ناویان تۆمار کردووە 30% زیاترە، واتە 65 کەس لە جاری پێشوو زیاترە.

لە پارێزگای کرماشانیش 405 کەس ناویان تۆمارکردووە کە 205 کەسیان لە بازنەی هەڵبژاردنی شاری کرماشان و 200 کەسەکەی دیکەش لە پێنج بازنەکەی دیکەی هەڵبژاردنی ئەو پارێزگایەن.

 لە پارێزگای ئیلامیش 129 کەس ناویان تۆمار کراوە.

بە گوێرەی راگەیێندراوی وەزارەتی نێوخۆی ئیران. لە ئاستی بازنەکانی هەڵبژاردن، زۆرترین ژمارەی بەربژێرەکان تایبەتە بە کرماشان و 205 کەس خۆیان بەربژێر کردووە. هاوکات لە هەردوو بازنەی هەڵبژاردنی “سەردەشت و پیرانشار” و “کەنگاوەر، سەحنە و هەرسین” کەمترین ژمارەی بەربژێرەکان تۆمار کراون.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی