لەگەل ئەوەی هەندێك پەرلەمانتار پێشوتر رایانگەیاندبوو كە مەترسی لە سەر مووچەی فەرمانەببەرانی هەرێمی كوردستان هەیە، لە ئەگەری بەردەوامی كێشەكانی نێوان هەولێر و بەغدا مەترسی گەورە دەكەوێتە سەر مووچە بەڵام سەرۆكی فراكسیۆنی یەكێتی رایدەگەیێنێت كە بەغدا و هەولێر نیەتی ئەوەیان لاهەیە ئەگەر هەر كێشەیەك هەبێت نەگاتە ئاستی دروستكردنی مەترسی لەسەر موچەی فەرمانبەرانی هەرێم.

***

جوان ئیحسان سەرۆكی فراكسیۆنی یەكێتی لە پەرلەمانی عێراق دەڵێت: نیەتەكەی بەغدا و هەرێم بەجۆرێكە، چەند لێكتێنەگەیشتن و ناكۆكی لەسەر بابەتەكانیش هەبێت، نەگاتە ئەوەی نزیكی موچەی خەڵك ببێتەوە.

***

سەبارەت بە پرسی رادەستكردنی نەوتی هەرێمی كوردستانەوە بە بەغدا، جوان ئیحسان رایگەیاندوە، لە كۆبونەوەیان لەگەڵ حكومەتی هەرێم تێبینی ئەوەیان كردووە لێكتێنەگەیشتن هەیە لەنێوان حكومەتی هەرێم و حكومەتی فیدراڵی، ئەو ژمارانەی حكومەتی عیراقی دەیڵێت حكومەتی هەرێم بەجۆرێكی تر مامەڵەی لەگەڵدا دەكات، ئەوەی حكومەتی هەرێمیش باسی دەكات حكومەتی عیراقی بەجۆرێكی تر مامەڵەی لەگەڵدا دەكات، بۆیە هەرێم و بەغدا نەگەیشتونەتە رێككەوتنێك لەوبارەیەوە.

***

سەرۆكی فراكسیۆنی یەكێتی لە پەرلەمانی عێراق لە کۆتایدا وتی: لە كۆبونەوەمان لەگەڵ حكومەتی هەرێم ئەوە رونكرایەوە، كە حكومەتی عیراقی بە فیعلی 80 ملیار دۆلار قەرزاری حكومەتی هەرێمە، لەهەمانكاتدا هەرێمی كوردستان قەرزاری كۆمپانیا نەوتیەكانە.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی