ساڵانێکی زۆرە لەدوای رادەستکردنی رۆژئاوای کوردستان لەلایەن رژێمی سووریاوە بە پارتی یەکێتی دیموکراتی  (PYD) کە هێزێکی گرێدراوی سەر بە پارتی کرێکارانی کوردستان (PKK) یە لە رۆژئاوای کوردستان،  ئەمریکا لە هەوڵی ئەوەدایە پارتی یەکێتیی دیموکراتی (پەیەدە) لە قەندیل داببڕێنێت و ناو و ناونیشانێکی دیکەی بداتێ تاوەکوو بتوانێ ئیدارەی رۆژئاوای کوردستان بکات، بەو هۆیەوە ئەمریکا هەر لەسەرەتاوە ناوی یەکینەکانی پاراستنی گەل (YPG)ی بۆ هێزەکانی سووریای دیموکرات، (هەسەدە) گۆڕی بە تێکەڵکردنی لەگەڵ عەرەب و مەسیحی و پێکهاتەکانی تر، لە دروستکردنی ئەو هێزەشدا ئامانجی ئەوە بوو کە پەیەدە و یەپەگە لە قەندیل و فەرمانەکانی پەکەکە دوور بخاتەوە، چونکە لەلایەک پەکەکە لە لایەن وڵاتانی ئەوروپا و ئەمریکا لە لیستی تیرۆردایە و لەلایەکی دیکەش نزیک بووەتەوە لە ئەجێندای ئێران و ئەو وڵاتانەی کە لە ناوچەکە ململانێ لەگەڵ ئەمەریکا و هاوپەیمانانی دەکەن.

***

چاودێرانی سیاسی پێیانوایە، بەدەر لە هەموو ئەو موئامەرانەی لە گەلی کورد کرا، ئەم رەوشەی رۆژئاوای کوردستانی تێ کەوت، هۆکارە جەوهەرییەکەی بڕیارەکانی پەکەکە بووە لە قەندیل.

***

 لەم بارەیەوە، عیماد برهۆ، ئەندامی ئەنجومەنی نیشتمانیی کورد لە سووریا، دەڵێت:  قەندیل بە رێگری لە جێبەجێکردنی رێککەوتنی هەولێر و دهۆک و گەڕانەوەی لەشکری ڕۆژ بۆ رۆژئاوای کوردستان کرد، لە ئێستاش رێککەوتنی لەگەڵ رژێمی سووریا بۆ رادەستکردنەوەی رۆژئاوا، هەمان سیناریۆی 16 ئۆکتۆبەری کەرکووکی بەسەر کورد لە رۆژئاوای کوردستاندا هێناوە. ئەو رێککەوتنەی کە هەسەدە لەگەڵ رژێمی سووریا کردوویەتی، تاکلایەنە بووە و جگە لە هێزەکانی گرێدراوی پەکەکە ئەنجومەنی نیشتمانیی کورد لە سووریا (ENKS) ئاگاداری ئەو رێککەوتنە نەبووە، رێککەوتنەکە گەلی کوردی لە سووریا هاوشێوەی 16 ئۆکتۆبەری هەرێمی کوردستان تووشی شۆک کردووە، چونکە ئێمە وەکوو ئەنەکەسە دەستپێشخەریمان لەو دۆخەشدا بۆ دەسەڵاتەکانی کانتۆنەکان لە رۆژئاوا کردووە کە بە رێککەوتن و رێگەدان بە گەڕانەوەی لەشکری رۆژ بۆ رۆژئاوای کوردستان، بتوانرێ رێگری لەو ئۆپەراسیۆنەی تورکیا بگیرێت. پەیەدە بەو رێککەوتنەی بێڕێزیی بە خوێنی 11 هەزار شەهیدی شەڕڤان و 24 هەزار بریندار و کەمئەندامی سەنگەری خۆی کرد، کە دەیتوانی بە گەڕانەوە بۆ رێککەوتنی هەولێر و دهۆک قۆناغەکە بەو رۆژە نەگات. لە لایەکی ترەوە، ئەو رێککەوتنەی نێوان پەیەدە و رژێکی سووریا، لەنیو چالاکوان و تۆڕە کۆمەڵایەتییەکانیشدا دەنگدانەوەی زۆری هەبوو، زۆرینەی هەرە زۆری رایەکانیش بەو ئاراستەیە بوو، کە پەکەکە رۆڵێکی خراپی گێڕا لەوەی رۆژئاوای کوردستان بەو دەردە بچێت.

***

  ئارام حەسەن، نووسەر و چالاکوان لە تۆڕی کۆمەڵایەتی فەیسبووک لە پۆستێکیدا نووسیویەتی: پەکەکە ئەرکی خۆی بەتەواوی بەجێ گەیاند، نابێ قەوارەیەکی کوردی دروست بێ، ئەوە تاکە ئەرکیەتی، لە باشوور جارێ پێی نەکراوە، خێری پارتی و یەکێتی بنووسێت، بەڵام هەر لە گژە، لە باکوور پڕۆسەی ئاشتی لە ترۆپک بوو، هەدەپە 81 کورسیی بەدەستهێنا، وەکوو کێچ چووە باخەڵیانەوە و نیوەی لێ کەم کردنەوە و نیوەی لێ خستنە زیندانەوە، بۆ رۆژئاوا لە یەکەم ساتەوە خۆی گەیاندنێ. وازی لێ نەهێنان، هەتا رۆژی لێ ئاوانەکردن.

***

 سۆران سێوکانی، توێژەری سیاسی لە هەرێمی کوردستانیش لەمبارەوە پێیوایە هەنگاوە چاوەڕوانکراوەکانی حکوومەتی سووریا ئەوەیە سەرەتا جێپێی خۆی لەو ناوچانە دەکاتەوە، ئنجا خۆی قایم دەکات و دواتر بیانوو بەو هێز و سەرکردانەی پەیەدە و هەسەدە کە دژی سیاسەتەکانی ئەو بن، دەگرێت و لە کۆتاییدا ڕاویان دەنێت و شتێک بەناوی هەسەدەوە نامێنێ.

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی